ఎన్టీఆర్‌ చేయబోయే సినిమాలన్నీ ఒకొక్కటిగా ఖరారవుతున్నాయి. ఆయన తన 30వ చిత్రాన్ని త్రివిక్రమ్‌ దర్శకత్వంలో చేయనున్నట్లు ఇప్పటికే అధికారికంగా ప్రకటించారు. త్వరలోనే ఇది సెట్స్‌పైకి వెళ్లనుంది. ఇది పూర్తయిన వెంటనే దర్శకుడు ప్రశాంత్‌ నీల్‌తో ఓ సినిమా చేయనున్నారు తారక్‌. ఈ విషయాన్ని చిత్ర నిర్మాణ సంస్థ మైత్రీ మూవీస్‌ అధికారికంగా ప్రకటించింది. ప్రశాంత్‌ ప్రస్తుతం ప్రభాస్‌ హీరోగా ‘సలార్‌’ చిత్రాన్ని తెరకెక్కిస్తున్నారు. ఇది పూర్తయిన వెంటనే ఎన్టీఆర్‌తో చేయనున్న సినిమా పట్టాలెక్కిస్తామని మైత్రీ మూవీస్‌ సంస్థ తెలియజేసింది.
