తానా 2021 ఎన్నికల్లో అభ్యర్థులు, ఏకగ్రీవాలు కీలక మలుపులు తిరుగుతున్న విషయం తెలిసిందే. తాజాగా ఈ ఎన్నికల కథ మరో కొత్త మలుపు తీసుకుంది. కొంత మంది సభ్యుల విజ్ఞప్తి మేరకు నేటితో ముగియాల్సిన తానా నామినేషన్ల ఉపసంహరణ గడువు మార్చి 3వ తేదీ వరకు పొడిగిస్తున్నట్లు ఎన్నికల కమిటీ అధ్యక్షుడు ఐనంపూడి కనకంబాబు ప్రకటించారు. ఈ నిర్ణయానికి బోర్డు ఆమోదం తెలిపిందని ఆయన పేర్కొన్నారు. నామినేషన్లు వేసిన అభ్యర్థులు ఎన్నికల కోడ్‌ను ఉల్లంఘిస్తున్నట్లు తమకు ఫిర్యాదులు అందుతున్నాయని, ఈ కోడ్‌ను గౌరవించని అభ్యర్థులపై తగు చర్యలకు బోర్డుకు సూచిస్తామని కనకంబాబు తెలిపారు.
