తానా 2021 ఎన్నికల్లో అధ్యక్ష పదవికి త్రిముఖ పోటీ నెలకొంది. ఈ పోటీలో అభ్యర్థిగా బరిలో ఉన్న డెట్రాయిట్‌కు చెందిన కర్నూలు జిల్లా ప్రవాసుడు శృంగవరపు నిరంజన్ ప్యానెల్ శుక్ర, శని, ఆదివారాల్లో కీలకమైన టెక్సాస్ రాష్ట్రంలో మూడురోజుల ప్రచారాన్ని నిర్వహించనున్నారు. తానా ఓట్లకు పట్టుగొమ్మలు అయిన డల్లాస్, ఆస్టిన్, హ్యూస్టన్ నగరాల్లో ఈ ప్రచార పర్యటన ఉంటుందని నిరంజన్ TNIకు తెలిపారు. ఈ మూడురోజులు మూడు నగరాల్లో జాతీయ, స్థానిక తెలుగు సంఘాల ప్రతినిధులతో వీరి ప్యానెల్ భేటీ కానుంది. తమ ప్యానెల్ అభ్యర్థులకు వీరు మద్దతును అభ్యర్థించనున్నారు. ఈ పర్యటనలో నిరంజన్‌తో పాటు తాళ్లూరి జయశేఖర్, లావు అంజయ్య చౌదరి, వేమూరి శతీష్, శిరీష తూనుగుంట్ల, తాళ్లూరి మురళీ, సుమంత్ రామిశెట్టి, హితేష్ వడ్లమూడి, యార్లగడ్డ శశాంక్, గుదే పురుషోత్తమ చౌదరి, యార్లగడ్డ వెంకటరమణ, జనార్ధన నిమ్మలపూడి, సురేష్ కాకర్ల, రాజేష్ యార్లగడ్డ తదితరులు పాల్గొంటారని సమాచారం.
########
