తానా 2021 ఎన్నికల్లో అధ్యక్ష అభ్యర్థిగా బరిలో ఉన్న డా.కొడాలి నరేన్ కొలంబస్‌లో మాజీ అధ్యక్షులు గంగాధర్ నాదెళ్ల, కోమటి జయరాం తదితరులతో కలిసి రెండోసారి ఎన్నికల ప్రచారం నిమిత్తం మంగళవారం నాడు పర్యటించారు. కోశాధికారిగా నరేన్ ప్యానెల్ నుండి బరిలో ఉన్న జగదీష్ ప్రభల ఈ కార్యక్రమాన్ని సమన్వయపరిచారు. ఈ సందర్భంగా మాజీ అధ్యక్షులు ఇరువురు మాట్లాడుతూ నరేన్ ప్యానెల్‌లో ఉన్న అనుభవజ్ఞులైన కార్యకర్తలు సంఘటిత తానాకు ప్రతిరూపమని అందుకే కొడాలి ప్యానెల్‌ను బలపరచాలని వారు కోరారు. కొలంబస్ ప్రవాసుల మద్దతు తన గెలుపు కీలకమని, తానతో తమకున్న చరిత్రను చూసి ఓటు వేసి గెలిపించాలని నరేన్ కోరారు. కార్యక్రమంలో నరేన్ ప్యానెల్ నుండి రాజా సూరపనేని తదితరులు పాల్గొన్నారు.
#############
