తానా 2021 ఎన్నికల్లో నరేన్ కొడాలి ప్యానెల్ తరఫున ఫౌండేషన్ ట్రస్టీగా బరిలో ఉన్న మన్నే సత్యనారాయణ డల్లాస్‌లో వారి ప్యానెల్ ప్రచారాన్ని వినూత్నంగా నిర్వహించడంలో కీలక పాత్ర పోషించారు. పశ్చిమ గోదావరి జిల్లాకు చెందిన ఆయన శనివారం మధ్యాహ్నం జరిగిన కృష్ణా ప్రవాసుల సమావేశంలో నేతి కాజాలు, పూతరేకులను ప్రత్యేకంగా ఇండియా నుండి తెప్పించి సభికులకు అందజేశారు. అద్భుతమైన నాణ్యత, రుచి కలిగిన ఈ స్వీట్లు ప్రవాసులను అలరించాయి. తానా ఓటర్లపై ఆయన “కాజా(కా)స్త్రాన్ని” ప్రయోగిస్తున్నారని ప్రవాసులు ఆయననపై ఛలోక్తపూర్వక అభినందనలు విసురుతున్నారు.
################
