తానా 2021 ఎన్నికల్లో బ్యాలెట్ల నిరీక్షణ తప్పడం లేదు. ఈ మంగళవారానికే తానా సభ్యులకు బ్యాలెట్లు అందాల్సి ఉండగా సాంకేతిక లోపాల కారణంగా మరో వారం పాటు ఆలస్యం కావొచ్చునని 2021 తానా ఎన్నికల కమిటీ అధ్యక్షుడు కనకంబాబు ఓ ప్రకటనలో తెలిపారు. ఈ లోపాలను క్షుణ్ణంగా పరిశీలించి తనిఖీ చేసి సవరించేందుకు తమ బృందం సియాటెల్‌కు ప్రత్యేక పర్యటన జరిపే యోచనలో ఉన్నట్లు ఆయన పేర్కొన్నారు. ఇదిలా ఉండగా ఇరు ప్యానెళ్ల అభ్యర్థులు, మద్దతుదారులు వాట్సాప్-ఫేస్‌బుక్‌లలో తమ ఆగ్రహాన్ని వెలిబుచ్చుతున్నారు. చిరునామాల అప్‌డేట్‌లపై పరస్పరం ఆరోపణలు గుప్పిస్తూ అసలు తానా ఎన్నికలు జరుగుతాయా లేదా అని ప్రశ్నిస్తున్నారు.
###############
