జుట్టు రాలడానికి ప్రధాన కారణాలలో ఒక కారణం థైరాయిడ్ సమస్య.
థైరాయిడ్ గ్రంథి మన శరీరం యొక్క విధులను నియంత్రించే అతి ముఖ్యమైన గ్రంధి. ఈ గ్రంథి మన మెడలో కనిపించే అతిపెద్ద ఎండోక్రైన్ గ్రంధులుగా పరిగణించబడుతుంది. థైరాయిడ్ గ్రంథి ద్వారా ఉత్పత్తి అయ్యే హార్మోన్లు జీవక్రియను పెంచడానికి సహాయపడతాయి మరియు శరీరంలోని ఇతర భాగాల పనితీరును కూడా ప్రభావితం చేస్తాయి. థైరాయిడ్ సమస్యల వల్ల మనలో చాలా మంది జుట్టు రాలడం తీవ్రంగా బాధపడుతున్నారు. థైరాయిడ్ గ్రంథులు అధిక మొత్తంలో థైరాయిడ్ హార్మోన్లను (Hyperthyroidism) లేదా చాలా తక్కువ థైరాయిడ్ హార్మోన్లను ఉత్పత్తి (Hypothyroidism) చేసినప్పుడు, ఇది థైరాయిడ్ సమస్యగా పరిగణించబడుతుంది. ఈ రుగ్మతతో బాధపడుతున్న వ్యక్తికి ప్రధాన లక్షణాలలో ఒకటి తీవ్రమైన జుట్టు రాలడం, జుట్టు సన్నబడటం మరియు పొడి జుట్టు వంటి సమస్యలు ఉండే అవకాశం ఉంది.
కావున మీరు జుట్టు రాలడానికి చికిత్స తీసుకునే కంటే ముందు ఒకసారి మీకు దగ్గరలోని ల్యాబ్ లో థైరాయిడ్ ప్రొఫైల్ టెస్ట్ చేయించుకోండి. మీకు గనుక థైరాయిడ్ సమస్య ఉంటే ఆ సమస్యకు చికిత్స చేయించుకోండి. జుట్టు రాలడం దానంతట అదే ఆగిపోతుంది ఒకసారి మీ శరీరంలో థైరాక్సిన్ లెవల్ సాధారణ స్థాయికి చేరుకుంటే.
