రాజ్యసభ మాజీ సభ్యుడు, కేంద్ర మాజీ మంత్రి చిరంజీవి ముఖ్యమంత్రి వైఎస్‌ జగన్మోహన్‌రెడ్డితో మరోసారి భేటీ కానున్నారు.
ఈ నెల 10న ఆయన సీఎం జగన్‌ను కలవనున్నారు. నెల రోజుల వ్యవధిలో వారిద్దరూ భేటీ కావడం ఇది రెండోసారి కానుంది.
గత నెల 13న చిరంజీవి హైదరాబాద్‌ నుంచి ప్రత్యేక విమానంలో విజయవాడకు వచ్చి.. తాడేపల్లిలో సీఎం జగన్‌ను కలిశారు.
ఆ సమయంలో పండగ పూట జగన్ తనను భోజనానికి ఆహ్వానించారని చెప్పారు. ఈ సందర్భంగా సినిమారంగ కష్టాల గురించి తాను జగన్‌కు వివరించాని వెల్లడించారు. అయితే.. సినీరంగ సమస్యలపై చర్చించేందుకు చిరంజీవి రాలేదని.. రాజ్యసభ సీటుపై వారిద్దరి మధ్య సమాలోచనలు జరిగాయన్న ప్రచారం జోరుగా సాగింది. కానీ.. చిరంజీవి వాటిని ఖండించారు. ఈ నేపథ్యంలో గురువారం మళ్లీ వారిద్దరూ భేటీ కానుండడం చర్చనీయాంశంగా మారింది.
