ప్రముఖ హాలీవుడ్ నటుడు విల్స్మిత్ రాసిన ‘విల్’ పుస్తకం తననెంతగానో ప్రభావితం చేసిందని చెప్పింది అగ్రనాయిక సమంత. ఎన్ని ఎదురుదెబ్బలు తగిలినా రెట్టించిన ఉత్సాహంతో జీవన సంగ్రామంలోకి దూకాలనే ైస్థెర్యాన్నిచ్చిందని వ్యాఖ్యానించింది. తన ఇన్స్టాగ్రామ్ ఖాతాలో ఈ పుస్తకంలోని ఓ కొటేషన్ను పోస్ట్ చేసింది సమంత. ‘ప్రతి ఒక్కరిలో స్ఫూర్తినింపే అద్భుతమైన పుస్తకమిది. మన ప్రయాణంలో ఎన్ని అడ్డంకులు ఎదురైనా ఆగిపోవద్దు. పునరుత్తేజితులమై కొత్త జీవితానికి స్వాగతం పలకాలి. ఎప్పటికీ జీవితం పట్ల ఆశను మాత్రం వదులుకోవద్దు’ అని సమంత ఈ పుస్తకం గురించి పేర్కొంది. ప్రస్తుతం ఈ పోస్ట్ సమంత అభిమానుల్ని ఎంతగానో ఆకట్టుకుంటున్నది. నాగచైతన్యతో విడాకుల అనంతరం సమంతకు సంబంధించిన సోషల్మీడియా పోస్ట్లలో తాత్వికత. ఆశావహదృక్పథం ధ్వనిస్తున్నదని ఆమె అభిమానులు చెబుతున్నారు. తనలోని నిరాశనిస్పృహల్ని దూరం చేసుకోవడానికి పుస్తక పఠనంతో పాటు కొత్త ప్రదేశాల సందర్శనకు సమంత ఎక్కువ ప్రాధాన్యతనిస్తున్నదని అంటున్నారు. ప్రస్తుతం సమంత తెలుగులో ‘శాకుంతలం’ ‘యశోద’ చిత్రాల్లో నటిస్తున్నది.
