ఆరోగ్యకరంగా ఉండటం ఎంతో అవసరం. కాని మనం తినే ఆహారంలో అన్ని పోషక విలువలు ఉండవు. ముఖ్యంగా ప్రోటీన్స్, హోల్ గ్రేయిన్లు వీటిలోని పోషకాలతో సరైన ఆహారాలు అవుతాయి. అలాంటిదే గోధుమలు. గోధుమలతో చేసిన ఆహార పదార్థాలను మన నిత్యజీవితంలో తీసుకుంటే ఎంతో ఉపయోగకరం. గోధుమల వల్ల కలిగే ప్రయోజనాలను పరిశీలిద్దాం.
*ప్రోటీన్లకు ప్రసిద్ధి
గోధుమలలో ప్రోటీన్లు పుష్కలంగా ఉంటాయి. బరువు పెరగటానికి, కండరాల నిర్మాణానికి ఇది సరైన అహారం. దీన్ని ఏ సమయంలోనైనా తీసుకోవచ్చు. అల్పాహారంగా, లంచ్ లేదా డిన్నర్‌లో ఏ సమయంలోనైనా తీసుకుంటే ఎంతో మంచిది. దీంతో శరీరానికి కావాల్సిన ప్రోటీన్లు కూడా లభిస్తాయి.
*బరువు నియంత్రణ
గోధుమలలో ఫైబర్ అధికంగా ఉంటుంది. ఇవి ఎక్కువ సేపు కడుపు నిండుగా ఉన్న భావనను కలిగిస్తాయి. దీంతో తినాలనే కోరికను, ఆలోచనను అదుపులో ఉంచుతాయి.
*బ్లడ్ షుగర్ నియంత్రణ
షుగర్ ఉన్నవారికి ఇది సరైన ఆహారం. దీంట్లోని తక్కువ గ్లైసేమిక్ ఇండెక్స్ కాంప్లెక్స్ కార్బ్స్ శరీరంలోకి గ్లూకోస్‌ను నియంత్రణను క్రమబద్దీకరిస్తాయి. దీంతో షుగర్ లెవెల్స్ నియంత్రించటం సులువు అవుతుంది.
*శారీరక సామర్థ్యానికి ఎంతో ఉపయోగకరం..
రోజూ గోధుమతో చేసిన ఆహార పదార్థాలను తీసుకోవటం వల్ల శారీరక సామర్ధ్యం మెరుగుపడుతుంది. అంతేకాక, ఇది మలబద్దకాన్ని కూడా నిర్మూలించడంలో ఎంతగానో దోహదం చేస్తుంది. దీనిలోని హై ఫైబర్, ప్రోటీన్స్ మంచి ఆహారంగా తయారుచేస్తుంది.
