తిరుమల తిరుపతి దేవస్థానానికి 960 స్థిర ఆస్తులు ఉండగా, వాటి విలువ ₹85,705 కోట్లు కాగా… స్వామివారి పేరుతో 7123 ఎకరాల భూమి ఉన్నదని, టీటీడీకి వివిధ ప్రబుత్వ రంగ బ్యాంకుల్లో… ₹14,000 కోట్ల ఫిక్స్‌డ్‌ డిపాజిట్లు, 14 టన్నుల బంగారం ప్రకటించారు టిటిడి ఛైర్మన్ వైవి సుబ్బారెడ్డి. 1974 నుంచి 2014 మధ్య కాలంలో అప్పటి ట్రస్ట్‌ బోర్డులు స్వామివారికి చెందిన 113 ఆస్తులను విక్రయించినట్లు వెల్లడించారు. 2014 తరవాత ఇప్పటి వరకు తాము ఎలాంటి ఆస్తులు విక్రయించలేదని, టీటీడీకి ఉన్న ఆస్తులు, వాటి విలువలను టీటీడి అధికారిక వెబ్‌సైట్‌లో ఉంచామని ఛైర్మన్ వెల్లడించారు.
