మిషిగన్ ప్రవాసుడు కీ.శే. కాట్రగడ్డ సుధాకర్ స్మారత వాలీబాల్-త్రోబాల్ పోటీలు నోవైలో SPARC Arenaలో తానా ఫౌండేషన్ ఆధ్వర్యంలో ఘనంగా నిర్వహించారు. తానా తదుపరి అధ్యక్షుడు శృంగవరపు నిరంజన్, ఫౌండేషన్ ట్రస్టీ పుట్టగుంట సురేష్‌లు సమన్వయపరిచారు. 37 జట్లు ఈ పోటీల్లో పాల్గొన్నారు. మిషిగన్ అటార్నీ జనరల్ డేనా నెసేల్ ముఖ్య అతిథిగా హాజరయి ట్రోఫీలు అందజేశారు. నిస్వార్థ సేవా దృక్పథానికి, స్నేహశీలతకు, మంచితనానికి మారుపేరుగా సుధాకర్ కాట్రగడ్డ గుర్తుండిపోతారని సభికులు పేర్కొన్నారు. ఈ పోటీల ద్వారా అందిన విరాళాలు తానా అన్నపూర్ణ ప్రాజెక్టు( ప్రభుత్వ హాస్పిటల్ లలో ఉచిత నిత్య అన్నదాన కార్యక్రమం) కోసం వినియోగించనున్నారు. డాక్టర్ హనుమయ్య బండ్ల, శశాంక్ యార్లగడ్డ, శ్రీనివాస గోగినేని తదితరులు పాల్గొన్నారు.
