అమెరికాలో బే ఏరియా తెలుగు అసోసియేష‌న్(BATA) ఏర్పడి 50 వసంతాలు పూర్తయిన సందర్భంగా ‘డైమండ్‌ జూబ్లీ’ వేడుక‌లను అత్యంత వైభవంగా నిర్వహించారు. ఇక్కడి శాంతా క్లారా క‌న్వెన్షన్‌ సెంట‌ర్‌లో ఏర్పాటు చేసిన ఈ స్వర్ణోత్సవాల్లో.. ప్రముఖ నిర్మాత సి.అశ్వనీదత్‌, శాన్‌ఫ్రాన్సిస్కోలో భారత కాన్సుల్‌ జనరల్‌ డాక్టర్‌ టీవీ నాగేంద్ర ప్రసాద్‌ ముఖ్య అతిథులుగా పాల్గొన్నారు. కార్యక్రమంలో భాగంగా ప్రముఖ వైద్యులు, దాత డాక్టర్‌ ల‌కిరెడ్డి హ‌నిమిరెడ్డికి `దాతృత్వ సింధు`, జ‌య‌రాం కోమ‌టికి `ప్రవాస బంధు` బిరుదులను ప్రదానం చేశారు. ఈ కార్యక్రమానికి అమెరికాతోపాటు భార‌త్ నుంచీ భారీ సంఖ్యలో అతిథులు హాజ‌ర‌య్యారు.
