ఆనంద్‌ రవి కథానాయకుడిగా నటించిన చిత్రం ‘కొరమీను’. శ్రీపతి కర్రి దర్శకుడు. సమన్య రెడ్డి నిర్మాత. టీజర్‌ని ప్రముఖ దర్శకుడు గోపీచంద్‌ మలినేని విడుదల చేశారు. దర్శకుడు మాట్లాడుతూ ‘‘జాలరి పేట అనే మత్స్యకారుల కాలనీకి కొత్తగా వచ్చిన పోలీస్‌ మీసాల రాజు.. మీసాలు ఎవరు తీసేశారు? అనే ఆసక్తికరమైన అంశం చుట్టూ ఈ కథ నడుస్తుంది. ప్రతి పాత్రకూ ప్రాధాన్యం ఉంటుంది. పాటలు, నేపథ్య సంగీతం ప్రధాన ఆకర్షణగా నిలుస్తాయ’’న్నారు. హరీశ్‌ ఉత్తమన్‌, శత్రు, కిశోర్‌ తదితరులు నటించారు.
