‘యశోదపై చూపిస్తున్న ప్రేమ, ఆదరణకు ధన్యవాదాలు. మీరిచ్చే ప్రశంసలు, మద్దతు గమనిస్తున్నాను. ఇదే నాకు లభించిన గొప్ప బహుమతి. సినిమాకు వస్తున్న స్పందన చూస్తుంటే చాలా సంతోషంగా ఉంద’’న్నారు సమంత. ఆమె నటించిన ‘యశోద’ ఇటీవలే ప్రేక్షకుల ముందుకు వచ్చింది. ఈ సందర్భంగా సోషల్‌ మీడియా ద్వారా ఓ భావోద్వేగమైన సందేశం అందించారు సమంత. ప్రేక్షకుల్ని, అభిమానుల్ని ఉద్దేశించి సమంత ఈ ట్వీట్‌ చేశారు. ‘‘యశోద చిత్రాన్ని ప్రదర్శిస్తున్న థియేటర్లలో మీ సంబరాలు చూశాను. సినిమా గురించి మీరు చెప్పిన మాటలు విన్నాను. దీని వెనుక మా చిత్రబృందం అహర్నిశలూ పడిన శ్రమ ఉంది. ఇప్పుడు నా మనసు గాల్లో తేలుతున్నట్టుంది. ఈ సినిమాకి పనిచేసిన వారందరికీ, నాపై, ఈ కథపై నమ్మకం ఉంచిన నిర్మాత శివలెంక కృష్ణ ప్రసాద్‌ గారికీ కృతజ్ఞతలు’’ అంటూ ట్వీట్‌ చేశారు.
