యువగళం పేరిట పెద్ద ఎత్తున్న పాదయాత్ర ప్రారంభించిన తర్వాత నారా లోకేష్, అధికార పార్టీ సభ్యుల మధ్య వాగ్వాదం మరింత ముదిరింది. యువ గళం యాత్ర ప్రారంభించిన కొద్దిరోజులకే మాజీ మంత్రి కొడాలి నాని, నందమూరి లక్ష్మీపార్వతి, తదితరులు లోకేష్ యాత్రను పూర్తి చేయలేకపోయారని ఎగతాళి చేశారు.
వారు అన్నట్లే యాత్ర కూడా చప్పగా సాగుతుంది. ఈ మధ్య చంద్రబాబు నాయుడు నిర్వహించిన బహిరంగ సభలకు వచ్చిన రెస్పాన్స్ లో సగం కూడా లోకేష్ కు రాలేదు ఇక విషయానికి వస్తే,కేబినెట్ మంత్రి రోజా వంటి అధికార పార్టీ సభ్యులు నారా లోకేష్ ను ఎగతాళి చేసే లాగా కొత్త పేర్లు పెడుతున్నారు.ఇలాంటి దాడులను ఎదుర్కొన్న తెలుగుదేశం పార్టీ ప్రధాన కార్యదర్శి నారా లోకేష్ వైఎస్సార్సీపీ నేతలు, మంత్రి రోజాపై ఘాటుగా స్పందించారు.
ఆయన యువ గళం యాత్ర ఇప్పుడు రోజా ప్రాతినిధ్యం వహిస్తున్న చిత్తూరు జిల్లా
నియోజకవర్గానికి చేరుకుంది. అక్కడ సభను ఉద్దేశించి ప్రసంగించారు. ఈ సందర్భంగా ఆయన ప్రసంగిస్తూ రాష్ట్ర పర్యాటక శాఖ మంత్రిపై పరోక్ష వ్యాఖ్యలు చేశారు.గత ఎన్నికల్లో ఇక్కడ టీడీపీ ఓడిపోయిందని, జబర్దస్త్ ఆంటీ ఎన్నికల్లో గెలిచిందని నారా లోకేష్ అన్నారు. రాబోయే సార్వత్రిక ఎన్నికల్లో ఇక్కడ పార్టీని గెలిపించాలని, చరిత్ర సృష్టించాలని అక్కడి
ప్రజలను, టీడీపీ క్యాడర్ను ఆయన కోరారు.
రోజాపై నారా లోకేష్ పరోక్షంగా కొన్ని సంచలన ఆరోపణలు చేస్తూ. చిత్తూరు క్వారీల్లో
భాగస్వామ్యాన్ని జబర్దస్త్ ఆంటీ అడిగారని, నగరిలో తన అక్రమాలకు కుటుంబసభ్యులు, బంధువులను భాగస్వామ్యులను చేశారన్నారు. భూకబ్జాలు కూడా చేశారని తీవ్ర ఆరోపణలు చేశాడు. రోజా తదితరుల దాడులను అంత తేలికగా వదిలేలా నారా లోకేష్ సిద్ధంగా లేడని తెలుస్తోంది. ఇన్ని రోజులు మౌనంగా ఉండి… ఇప్పుడు విజృంభించి మాటల యుద్ధం మొదలెట్టాడు. ఇక పై కూడా దూకుడు లోకేష్లో చూడాలని టీడీపీ నేతలు ఆశిస్తున్నారు.
