తెలుగు అలయెన్సెస్ అఫ్ కెనడా (తాకా) వారి ఆధ్వర్యంలో శ్రీ సీతారామ కల్యాణం అంగరంగ వైభవంగా నిర్వహించారు. టొరంటోలోని శృంగేరి విద్యా భారతి ఫౌండేషన్ ఆడిటోరియంలో దాదాపు 600 మందికి పైగా భక్తులు హాజరవ్వగా, మేళతాళాలు, కూచిపూడి నాట్యము, పాటలు, భజనలతో అత్యంత వైభవంగా శ్రీ సీతారాముల వారి కళ్యాణం జరిగింది. శనివారం, ఏప్రిల్ 1 వ తేదీ, 2023 ఉదయం 8 గంటలకు కల్యాణోత్సవాలు ప్రారంభమయ్యాయి. తాకా అధ్యక్షులు శ్రీమతి కల్పన మోటూరి మరియు కార్యవర సభ్యులు, ట్రస్టీలు, మరియు వ్యవస్థాపక సభ్యులు ఉదయము 6 గంటలకు వేడుక వద్దకు చేరుకొని పానకము, వడపప్పు తయారు చేయగా, తాకా యువ కార్యకర్తలు స్వామి వారి పెళ్లి మందిరమును ఏర్పరిచారు.
టొరంటో లోని, ప్రముఖ అర్ఛకులు శ్రీ మంజునాథ్ సిద్ధాంతి గారు మరియు వారి శిష్య బృందంతో సుప్రభాత సేవ, అభిషేకం, షోడశోపచార పూజలతో స్వామి వారి కల్యాణాన్ని మొదలు పెట్టి, కలశ స్థాపన, పుణ్యావచనం,ప్రవర,జిలకర బెల్లం, మాంగళ్యధారణ, తలంబ్రాలు తదితర క్రతువులతో కార్యక్రమాన్ని జరుపుతుండగా, సర్వోపచార సేవలు నృత్యం, గీతం మరియు భజనలు, మంగళ వాయిద్యాలతో భక్తులను అలరించారు. మరియు వారు బృందం సన్నాయి డోలులతో అత్యంత శ్రావణీయంగా స్వామివారి కల్యాణాన్ని కావించారు.
ఈ కార్యక్రమంలో అలంకృత ఎలమర్తి (సుప్రభాతం), రోహన్ మూటుపూరు,శ్రీరామ్ గోర్తీ, సాయిశ్రీ ద్రువిక పాటలు పాడగా , మరియు పూష్ణే కోట్ల, ధన్య కిరణి,ఆద్య కిరణి, మేధా ప్రసాద్ నృత్యాలు, సర్వోపచారములలో భాగంగా కల్యాణ మహోత్సవంలో పాల్గొని భక్తుల అభినందనలు పొందారు. టొరంటోలో జరిగిన ఈ కార్యక్రమానికి దాదాపు వంద మంది జంటలు కల్యాణానికి కూర్చొన్నారు. వందలమంది సంకల్పం తీసుకున్నారు. దాదాపు 5 గంటల పాటు జరిగిన ఈ కార్యక్రమము చివరగా మంగళ హారతులు పాడి , తీర్థ ప్రసాదాలు భక్తులందరికి అంద చేసారు.
ఈ కార్యక్రమ విజయవంతానికి కృషి చేసిన ఉపాధ్యక్షులు నాగేంద్ర హంసల, కార్యదర్శి ప్రసన్న తిరుచిరాపల్లి,కోశాధికారి మల్లికార్జున చారి పదిర, సాంస్కృతిక కార్యదర్శి అనిత సజ్జ, డైరెక్టర్లు గణేష్ తెరాల,రాణి మద్దెల, శృతి ఏలూరి, ప్రదీప్ రెడ్డి ఏలూరు, యూత్ డైరెక్టర్ విద్య భవనం, ఆడియో, వీడియో విభాగంలో ఆదిత్య వర్మను, మరియు బోర్డు ఆఫ్ ట్రస్టీ చైర్మన్ మునాఫ్ అబ్దుల్, సభ్యులు రాఘవ అల్లం, సురేష్ కూన, వాణి జయంతి, ప్రవీణ్ పెనుబాక మరియు తాకా వ్యవస్థాపక చైర్మన్ రవి వారణాసి, సభ్యులు చారి సామంతపూడి, అరుణ్ లయం ,లోకేష్ చిల్లకూరు,రమేష్ మునుకుంట్ల, రాకేష్ గరికపాటి, శ్రీనాథ్ కుందూరు, రామచంద్ర రావు దుగ్గిన మరియు అందరి వాలంటీర్లను తాకా అధ్యక్షులు కల్పన మోటూరి గారు అభినందించారు.
