ఆంధ్రప్రదేశ్ రాజకీయాల్లో తనదైన వ్యూహాలతో ముందుకు వెళ్తున్న జనసేన పార్టీకి ఇప్పుడు కొత్తగా ఒక ఇబ్బంది వచ్చి పడింది .ఆ పార్టీ ప్రతిష్టాత్మకంగా భావించే సింబల్ గాజు గ్లాసు గుర్తు ఆ పార్టీ నుంచి చేజారే పరిస్థితులు కనిపిస్తున్నాయి.గత ఎన్నికల్లో కామన్ సింబల్గా గాజు గ్లాస్ గుర్తుపై పోటీ చేసిన జనసేన కేవలం ఒక ఎమ్మెల్యే సీటుతోనే సరిపెట్టుకుంది .దాంతో ఆ సింబల్ ను శాశ్వత గుర్తుగా పొందడంలో విఫలమైంది.
వచ్చే 2024 ఎన్నికలలో కూడా ఆ పార్టీ టిడిపితో పొత్తు( TDP ) పెట్టుకుంటుందని స్పష్టమైనందున పూర్తి నియోజకవర్గాల్లో ఆ సింబల్ ను పొందటం ఆ పార్టీకి కష్ట సాధ్యంగా మారింది .నిబందనల ప్రకారం ఆ పార్టీ అభ్యర్థులు పోటీ చేసే నియోజక వర్గాలలో వారికి గాజు గ్లాసు కేటాయించే ఈసీ, ఆ పార్టీ అభ్యర్థులు పోటీలో లేని మిగతా చోట్ల ఇండిపెండెంట్ అభ్యర్థులకు ఈ గుర్తును కేటాయించే అవకాశం ఉంది.అయితే ఈ అవకాశాన్ని ఉపయోగించుకుని అధికార పార్టీ ఓట్లు చీల్చే ప్రయత్నం మొదలు పెడుతుందా? డమ్మీ అభ్యర్థులను నిలబెట్టి వారికి గాజు గ్లాసు గుర్తు వచ్చేలా చూసి ఓటర్లను గందరగోళం చేసే ప్రయత్నం చేస్తారని జనసేనకు టెన్షన్ గా ఉన్నట్టు సమాచారం
పోనీ ఈ గుర్తును పక్కనపెట్టి కొత్త గుర్తును తీసుకొని బాగానే ఉన్న సమయం ఉన్నందున ప్రచారం చేసుకొని ఆ గుర్తును ప్రజల్లోకి తీసుకెళ్లాలని ఆలోచన కూడా ఉందని అయితే ప్రజల్లో ఒక సెంటిమెంట్ లాగా ఈ గుర్తును ప్రచారం చేసుకున్న తర్వాత దీనిని వదిలిపెడితే అనేక ఇబ్బందులు ఎదురవుతాయని ,తాము వదులుకుంటే చాలా చోట్ల ఈ గుర్తును పెట్టు కుని స్వతంత్ర అభ్యర్ధులు తమ వోట్ల కు గండి పెట్టే అవకాశం ఉందని ఆ పార్టీ భావిస్తుంది.ఇప్పుడు ఇలాంటి పరిస్థితుల్లో ఏ నిర్ణయం తీసుకోవాలా అనిజనసెన లో తీవ్ర స్థాయి ఆలోచనలు జరుగుతున్నాయని తెలుస్తుంది కేంద్ర ప్రభుత్వంతో సన్నిహిత సంబంధాలు ఉన్న నేపథ్యంలో ఈసీ ని రిక్వెస్ట్ చేసి ఈ సింబల్ ని మిగతా అభ్యర్థులు ఎవరికీ కేటాయించకుండా చూసుకోవాలని ప్రయత్నాలు చేస్తున్నా అది ఎంత మేరకు సఫలం అవుతుందో తెలియని పరిస్థితుల్లో ప్రస్తుతం జనసేన ఉందనివార్తలు వస్తున్నాయి
