మంత్రి పువ్వాడ అజయ్ కుమార్ మరోసారి మాజీ ఎంపీ పొంగులేటి శ్రీనివాస్ రెడ్డి ఫై ఫైర్ అయ్యారు. రాజకీయాల్లో పొంగులేటి ఒక బచ్చా అంటూ ఎద్దేవా చేసాడు. ఆదివారం ఖమ్మం జిల్లాలో కార్యకర్తల ఆత్మీయ సమావేశంలో పాల్గొన్న పొంగులేటి..కేసీఆర్ ప్రభుత్వం ఫై , కేసీఆర్ ఫై పలు విమర్శలు చేసారు. ఈ వ్యాఖ్యలపై రాష్ట్ర రవాణా శాఖ మంత్రి పువ్వాడ అజయ్ కుమార్ స్పందించారు.
పొంగులేటి శ్రీనివాస్‌రెడ్డి డబ్బు బలం చూసుకుని విర్రవీగుతున్నారని.. ఏ పార్టీలోకి పోవాలో తేల్చుకోలేని దుస్థితిలో ఉన్నారని ఎద్దేవా చేశారు. ఆయనకు ఓ సిద్ధాంతం, విలువలు అనేవి లేవి విమర్శించారు. పొంగులేటి తనను తాను కాస్త అతిగా ఊహించకుంటున్నారని.. ఆ ఊహలో నుంచి ఎంత త్వరగా బయటకు వస్తే అంత మంచిదని హితవు పలికారు. రాజకీయాల్లో పొంగులేటి శ్రీనివాస్ రెడ్డి ఒక బచ్చా అని మంత్రి ఘాటుగా వ్యాఖ్యానించారు.
