తానా 23వ మహాసభలను ఫిలడెల్ఫియాలోని పెన్సిల్వేనియా కన్వెన్షన్ సెంటర్‌లో జూలై 7,8,9 తేదీల్లో నిర్వహిస్తున్నారు. ఈ సందర్భంగా ఏర్పాటు చేసిన కార్యక్రమాలను అధ్యక్షుడు అంజయ్య, కన్వీనర్ రవి పొట్లూరిలు తెలిపారు.
ఈ మహాసభల్లో ఉమెన్స్ ఫోరం ఆధ్వర్యంలో జూలై 8న ఉమెన్ ఎంపవర్‌మెంట్ – మెడికల్ (నారీశక్తి) పేరుతో నిర్వహించే కార్యక్రమంలో శిరీష బండ్ల (అంతరిక్ష వ్యోమగామి), సత్యవాణి (భారతీయం), నందమూరి వసుంధర, గాయనీ చిత్ర, సుమ కనకాల, శ్రీలీల, లయ గొర్తి, సింగర్ సునీత పాల్గొంటారు.
జూలై 9న జరిగే కార్యక్రమంలో శైలజ అడ్లూరు (అడ్వకేట్), చంద్రబోస్ (రచయిత), సత్యవాణి (భారతీయం), జనేతా రెడ్డి (అటార్నీ), కౌసల్య (సింగర్), బాలాజీ ప్రకాశరావు (సోషల్ ఎంట్రప్రెన్యూరర్, ఊమెన్ అక్టీవిస్ట్) పాల్గొంటారని తెలిపారు.
