నాటా 2023 సభల్లో భాగంగా రెండోరోజు ఉదయం మధ్యాహ్నం కార్యక్రమాలు సందడిగా సాగాయి. చీరలు, నగల దుకాణాల వద్ద ప్రవాసుల రద్దీ సందడి చేసింది. సాహిత్య వేదిక, రాజకీయ, ఆధ్యాత్మిక, మహిళా, కళారంగాలకు చెందిన పలు సమావేశాల్లో ప్రవాసులు ఉత్సాహంగా పాల్గొన్నారు. వైద్య సెమినార్లో ఉపయుక్తమైన సమాచారాన్ని ప్రదర్శించారు. నేటి సాయంత్రం థమన్ సంగీత విభావరికి భారీ సంఖ్యలో అతిథులు హాజరు అవుతారని అంచనా. ప్రధాన వేదికపై నాటా సభల సందర్భంగా నిర్వహించిన క్రీడా పోటీలు, ఇతర పోటీల్లో గెలుపొందిన విజేతలకు బహుమతులను ప్రదానం చేశారు.
