పద్మిని ఏకాదశి అంటే ఏంటి?

ఏకాద‌శి అంటే హిందువుల‌కు చాలా ప్ర‌త్యేక‌మైన రోజు.జులై 29 ప‌ద్మిని ఏకాదశి రోజున విష్ణుమూర్తిని,ల‌క్ష్మీదేవిని క‌ల‌పి పూజించాల‌ని పురాణాలు చెబుతున్నాయి. స్కంద పురాణం ప్ర‌కారం అధిక‌మాసంలో వ‌చ్చే మొద‌టి ఏకాద‌శిని ప‌ద్మిని ఏకాద‌శి అంటారు. అంటే ఇలాంటి ఏకాద‌శి దాదాపు 19 సంవ‌త్స‌రాల‌కొక‌సారి వ‌స్తుంది. అస‌లు ఈ రోజున ( జులై 29)న ఏం చేయాలి.. ప‌ద్మిని ఏకాద‌శి విశిష్ఘ‌త ఏంటో తెలుసుకుందాం. . .
..
జులై 29, శనివారం అధికమాసం తొలి ఏకాదశి. దీనినే పద్మిని ఏకాదశి కూడా అంటారు. ఈ తేదీలో విష్ణువుతో పాటు రావి, తులసి మొక్కలను పూజించే సంప్రదాయం కూడా భారతదేశంలో కనిపిస్తుంది. ఇలా చేయడం వల్ల ఈ వ్రతం పూర్తి ఫలం లభిస్తుంది. విష్ణువు రావిచెట్టులో నివసిస్తున్నాడని నమ్ముతుంటారు. అదే సమయంలో, తులసి లక్ష్మీ రూపంగా పరిగణిస్తుంటారు.

ఈ ఉపవాసం 19 సంవత్సరాల తర్వాత జ్యేష్ఠ నక్షత్రం, బ్రహ్మ యోగంలో ఉంటుంది. ఇంతకు ముందు ఇది 2004లో జరిగింది. చాతుర్మాసము వలన అధిక శ్రావణ మాసం కలయిక వలన, శ్రీమహావిష్ణువు పూజ, ఉపవాసాల పుణ్య ఫలం మరింత పెరుగుతుందని పండితులు చెబుతున్నారు.

పద్మినీ ఏకాదశి నాడు శ్రీమహావిష్ణువు అవతారాలను ప్రత్యేకంగా పూజించే సంప్రదాయం కూడా ఉంది. ఈ ఏకాదశి నాడు శ్రీమహావిష్ణువును పూజించే సమయంలో ఉపవాసాలు చేస్తుంటారు. ఈ వ్రతంలో రావి చెట్టును పూజించాలని చెబుతుంటారు. అలాగే తులసిని పూజించి ఉదయం, సాయంత్రం రెండు పూటలా దీపాలు వెలిగిస్తారు.

రావి చెట్టు పూజ: అధిక మాసంలోని కృష్ణ పక్ష ఏకాదశి నాడు, రావి చెట్టు పూజకు కూడా ప్రత్యేక ప్రాముఖ్యత ఉంది. తెల్లవారుజామున నిద్రలేచి, నీళ్లలో గంగాజలం, పచ్చి పాలు, నువ్వులు కలిపి రావి చెట్టుకు నైవేద్యంగా సమర్పించాలి. ఇలా చేయడం వల్ల విష్ణుమూర్తి అనుగ్రహం లభించడంతో పాటు పూర్వీకులు కూడా సంతృప్తి చెందుతారని స్కంద పురాణంలో పేర్కొన్నారు.

తులసి పూజ: శాలగ్రామ స్వామిని పాలు, నీటితో అభిషేకించి పూజా సామగ్రిని సమర్పించాలి. పవిత్రం చేసిన నీటిని కొద్దిగా తాగాలి. మిగిలినది తులసికి సమర్పించాలి. ఆ తరువాత, తులసి మెక్కను పసుపు, చందనం, కుంకుమ, అక్షత, పుష్పాలు, ఇతర పూజా సామగ్రితో పూజించాలి.

ఈ ఏకాదశి నాడు దానం చేయడం వల్ల పేదరికం నుంచి విముక్తి లభిస్తుందని గ్రంధాలలో అన్నదానం, వస్త్రదానం చేసిన ఫలితం వస్తుంది. పద్మినీ ఏకాదశి నాడు అన్నదానం, వస్త్రదానం చేయడం వల్ల ఎంత పుణ్యం లభిస్తుందో, అన్ని రకాల దానాలు, అనేక తీర్థయాత్రలు చేసినంత పుణ్యం లభిస్తుందనీ చెబుతుంటారు. అందుకే ఈ రోజున తులసికి, రావి చెట్టుకు నీళ్ళు సమర్పించాలని నమ్మకం. అలాగే నిరుపేదలను ఆదుకోవాలి. ఈ రోజున గోవులను సేవించడం వల్ల ఉపవాస పుణ్యం కూడా పెరుగుతుందని వేదాలు చెబుతున్నాయి. .

పద్మినీ ఏకాదశి లోక సంరక్షకుడైన శ్రీ హరి విష్ణువుకు ఎంతో ప్రీతికరమైనది. అన్ని ఏకాదశిలు శ్రీమహావిష్ణువుకు అంకితమైనప్పటికీ, పద్మినీ ఏకాదశి అధికమాసంలో ఉండటం వల్ల ప్రాముఖ్యత పెరుగుతుంది. శాస్త్రాల ప్రకారం, పద్మినీ ఏకాదశి నాడు చిత్తశుద్ధితో ఉపవాసం ఉన్నవాడు విష్ణులోకాన్ని పొందుతాడు. ఈ రోజున విష్ణుమూర్తిని ప్రసన్నం చేసుకోవడానికి కొన్ని పరిహారాలు చేయాలి.

పద్మిని ఏకాదశి రోజు సాయంత్రం తులసి ముందు నెయ్యితో దీపం వెలిగించి ఓం నమో భగవతే వాసుదేవ నమః మంత్రాన్ని జపించి 11 సార్లు తులసి ప్రదక్షిణలు చేయాలి. ఇందులో మీరు శ్రీమహావిష్ణువు, మహాలక్ష్మి అనుగ్రహం క‌లుగుతుంద‌ని ప‌ద్మ పురాణంలో తెలిపారు.పద్మిని ఏకాదశి రోజున శ్రీ హరివిష్ణువు ముందు తొమ్మిది కోణాల దీపంతో జ్యోతిని వెలిగించండి. ఇలా చేయడం వల్ల ఉద్యోగంలో ఉన్న అన్ని రకాల సమస్యలు తొల‌గిపోతాయ‌ని విష్ణుపురాణంలోని మూడ‌వ అధ్యాయంలో పేర్కొన్నారు.

హిందూ శాస్త్రాల ప్రకారం విష్ణువు అశ్వత్థ వృక్షంలో ఉంటాడు. కాబట్టి పద్మిని ఏకాదశి రోజున అశ్వత్థ (రావి) వృక్షాన్ని పూజించాలి.పద్మినీ ఏకాదశి రోజున పేదలకు ఆహారం ఇవ్వండి. అలాగే మీ సామర్థ్యానికి తగ్గట్టుగా దానం చేయండి. ఇలా చేయడం వల్ల మీ జీవితంలో ఆనందం, శ్రేయస్సు ల‌భిస్తుంద‌ని విష్ణుపురాణంలో పేర్కొన్నారు.

లక్షలాది ప్రయత్నాలు చేసినా మీ డబ్బు ఎక్కడో కూరుకుపోయి తిరిగి రాకపోతే పద్మిని ఏకాదశి రోజున విష్ణువు సన్నిధిలో నెయ్యి దీపం వెలిగించి, తూర్పు ముఖంగా భగవద్గీతలోని పదకొండవ అధ్యాయాన్ని పఠించండి.పద్మినీ ఏకాదశి రోజున తులసి ఆకులను పాలలో వేసి విష్ణుమూర్తికి సమర్పించండి. ఈ పరిహారం చేయడం వల్ల మీ వైవాహిక జీవితం సంతోషంగా ఉంటుంది.