చెంగళ్‌పట్టు జిల్లా కల్పక్కం సమీపంలోని ఉయ్యాలికుప్పం గ్రామానికి చెందిన ఈ.చెల్లప్పన్ (30), ఎం. మురుగన్‌ ఇద్దరూ బంధువులు. వీరు గురువారం రాత్రి పదుపట్టినం వెళ్లారు. ఈస్ట్‌ కోస్ట్‌ రోడ్‌లోని ఓ కార్ల షోరూం సమీపంలో మద్యం తాగడానికి కూర్చున్నారు. స్టఫ్‌గా ఆమ్లెట్ తీసుకొని వెళ్లారు. బాగా మద్యం సేవించిన తరువాత ఆ ఆమ్లెట్ పంచుకోవడంలో ఇద్దరి మధ్య గొడవ జరిగింది. అది కాస్తా పెద్దది కావడంతో మురుగన్‌ పక్కనే ఉన్న ఓ మొద్దు తీసుకొని చెల్లప్పన్‌పై దాడి చేశాడు. తీవ్ర గాయాలు కావడంతో చెల్లప్పన్ అక్కడికక్కడే ప్రాణాలు కోల్పోయాడు.
