వచ్చే అసెంబ్లీ ఎన్నికల్లో గెలిచి హ్యాట్రిక్‌ కొట్టే దిశగా భారత్‌ రాష్ట్ర సమితి అధ్యక్షుడు, ముఖ్యమంత్రి కె.చంద్రశేఖర్‌రావు కార్యాచరణను వేగవంతం చేశారు. పార్టీ తరఫున పోటీ చేసే అభ్యర్థుల జాబితాపై కసరత్తు పూర్తిచేసిన ఆయన.. ఈ నెల 17వ తేదీ తర్వాత ఏ క్షణమైనా లిస్టును ప్రకటించనున్నట్టు తెలిసింది. సీఎం పెద్ద సంఖ్యలో అభ్యర్థులతో జంబో జాబితా ప్రకటించనున్నారని.. మొత్తం 119 అసెంబ్లీ స్థానాలకుగాను ఈ తొలి జాబితాలోనే కనీసం 80–90 మంది అభ్యర్థుల పేర్లు ఉండే అవకాశముందని బీఆర్‌ఎస్‌లోని విశ్వసనీయ వర్గాల సమాచారం.
