జీఎస్టీ (GST) వసూలు చేసి ప్రభుత్వ ఖజానాకు జమ చేయాల్సిన వాణిజ్య పన్నుల (Commercial Tax) శాఖ అధికారులే అక్రమాలకు తెరతీశారు. అయినవారికి తక్కువ పన్నులు, జరిమానాలతో సరిపెట్టి రూ.170 కోట్ల మేర కుంభకోణానికి పాల్పడ్డారు. ఈ వ్యవహారంపై నెలకిందటే విజిలెన్స్ విభాగం ప్రభుత్వానికి నివేదిక ఇచ్చింది. అయినా అక్రమార్కులపై చర్యలు తీసుకోవడంలో ప్రభుత్వం ఉదాసీనత ప్రదర్శిస్తోంది. ఓ మంత్రి జోక్యంతోనే చర్యలకు మీనమేషాలు లెక్కిస్తున్నారని వాణిజ్య పన్నుల శాఖ వర్గాలే చెబుతున్నాయి.
