పిల్లలకు నాణ్యమైన విద్యను అందించే దిశగా సౌదీ అరేబియా (Saudi Arabia) ప్రభుత్వం కఠిన నిర్ణయం తీసుకుంది. సరైన కారణం లేకుండా 20 రోజులకు మించి స్కూల్‌కు విద్యార్థి డుమ్మా కొడితే ఆ పిల్లాడి తల్లిదండ్రులకు జైలు శిక్ష ఎదుర్కోవాల్సి ఉంటుంది. చైల్డ్‌ ప్రాటెక్షన్‌ లా కింద వీరిని శిక్షిస్తారు. ఈ విధానాన్ని రానున్న విద్యా సంవత్సరం నుంచి అమలు చేయాలని అక్కడి ప్రభుత్వం నిర్ణయించింది.20 రోజులకు మించి విద్యార్థి స్కూల్‌కు సరైన కారణం లేకుండా సెలవు పెడితే దాన్ని ఆ విద్యార్థి సంరక్షకుడిని నిర్లక్షంగా పేర్కొంటూ అతడిని బాధ్యుడిని చేస్తారు. ఇందుకు కోర్టు తల్లిదండ్రులకు జైలు శిక్ష విధించొచ్చని చట్టం చెబుతోంది. అయితే, ఎవరైనా పిల్లాడు స్కూల్‌కు హాజరు కాకపోతే ఆ విషయాన్ని స్కూల్‌ ప్రిన్సిపల్‌.. తొలుత విద్యాశాఖ అధికారులకు తొలుత తెలియజేయాల్సి ఉంటుంది. ఆపై విద్యాశాఖ దర్యాప్తు చేపడుతుంది. తర్వాత కుటుంబ సంంరక్షణ విభాగం ఆ పిల్లాడి వాంగ్మూలం తీసుకుంటుంది. ఆ తర్వాత సంరక్షకుడిపై విచారణ జరిపి కోర్టు ముందు ఉంచుతారు. దీనిపై న్యాయమూర్తి విచారణ జరిపి తీర్పు వెలువరిస్తారు.
