ఓ యాపిల్ వాచ్ మనిషి ప్రాణాలను కాపాడిందటే నమ్ముతారా.. ఇది నిజం. వివరాల్లోకి వెళితే.. అమెరికాలోని విస్కాన్సిస్ లో ప్రాంతంలో గురువారం ఓ యాక్సిడెంట్ చోటుచేసుకుంది. ఈ ప్రమాదంలో కారు అతివేగంతో పల్టీలు కొడుతూ.. చాలా దూరం వెళ్లింది. తీవ్రంగా గాయపడిన డ్రైవర్ అపస్మారక స్థితలోకి వెళ్లగా.. అతడి చేతికి ఉన్న యాపిల్ వాచ్ అతడిని ప్రాణాలను నిలబెట్టింది. వాచ్ లో ఉన్న క్రాష్ డిటెక్షన్ ఫిచర్ యాక్టివేట్ అయి ఎమర్జెన్సీ 911 నెంబర్ కు కాల్ వెళ్లింది. దీంతో అప్రమత్తమైన సిబ్బంది వాచ్ ఇచ్చిన లొకేషన్ అధారంగా ఘటనా స్థలానికి చేరకున్నారు. తీవ్రంగా గాయపడిన డ్రైవర్ ను చికిత్స నిమిత్తం ఆసుపత్రికి తరలించారు. కేవలం యాపిల్ వాచ్ ఉండటం వల్లే అతడికి పునర్జన్మ లభించినట్లైంది.
