జిల్లాలో ప్రసిద్ద పుణ్యక్షేత్రమైన గంపలగూడెం మండలం నెమలి శ్రీవేణుగోపాలస్వామి ఆలయంలో దేవీశరన్నవరాత్రి ఉత్సవాలు సందర్భంగా ఆలయంలోని రాజ్యలక్ష్మి అమ్మవారికి తొమ్మిది రోజుల పాటు అలంకరణలు నిర్వహిస్తున్నట్లు ఆలయ ప్రధానార్చకులు తిరునగిరి గోపాలాచార్యులు తెలిపారు. 15 నుంచి 24 వరకు ప్రత్యేక పూజలు ఉంటాయన్నారు. 15న ఆదిలక్ష్మి, 16న ధాన్యలక్ష్మి, 17న ధైర్యలక్ష్మి, 18న గజలక్ష్మి, 19న సంతానలక్ష్మి, 20న విద్యాలక్ష్మి, 21న విజయలక్ష్మి, 22న ధనలక్ష్మి, 23న రాజ్యలక్ష్మి, 24న రాజరాజేశ్వరీదేవి అలంకరణలో అమ్మవారు భక్తులకు దర్శనమిస్తారు.
👉 – Please join our whatsapp channel here
https://whatsapp.com/channel/0029Va9VucP7oQhZ7fePda2Z
