నందమూరి నటసింహం బాలకృష్ణ, సక్సెస్ ఫుల్ డైరెక్టర్ అనిల్ రావిపూడి కాంబినేషన్‌లో తెరకెక్కిన చిత్రం ‘భగవంత్ కేసరి’. ఈ సినిమాలో బాలయ్య బాబు సరసన చందమామ కాజల్ అగర్వాల్ నటించగా.. కూతురి పాత్రలో యువ హీరోయిన్ శ్రీలీల నటించారు. షైన్ స్క్రీన్స్ బ్యానర్‌పై హరీష్ పెద్ది, సాహు గారపాటి ఈ సినిమాను నిర్మించారు. ఎస్ఎస్ థమన్ సంగీతం అందించిన ఈ మూవీలో బాలీవుడ్ నటుడు అర్జున్ రామ్ పాల్ విలన్ పాత్ర చేశారు. యాక్షన్, ఎమోషనల్ డ్రామాగా తెరకెక్కిన ఈ సినిమా ప్రేక్షకులలో మంచి హైప్ క్రియేట్ చేసింది. ఇప్పటికే విడుదలైన టీజర్, ట్రైలర్ సినిమాపై అంచనాలను పెంచేశాయి.దసరా కానుకగా ఈరోజు (అక్టోబర్ 19) భగవంత్ కేసరి సినిమా ప్రేక్షకుల ముందుకు వచ్చింది. ఇప్పటికే ఈ మూవీ ప్రీమియర్స్ పడిపోయాయి. తెలుగు రాష్ట్రాల్లో పలు ప్రాంతాల్లో మొదటి షో పడింది. సినిమా చూసిన ఫాన్స్ సోషల్ మీడియా వేదికగా తమ తమ అభిప్రాయాలను తెలుపుతున్నారు. భగవంత్ కేసరి సినిమాకు ప్రేక్షకుల నుంచి మంచి రెస్పాన్స్ వస్తోంది. సినిమా అదిరిపోయిందని, బాలయ్య బాబు హ్యాట్రిక్ కొట్టారని రివ్యూ ఇస్తున్నారు.
‘భగవంత్ కేసరి బొమ్మ అదుర్స్. ఫామిలీకి బాలయ్య బాబు బాగా కనెక్ట్ అవుతారు. సినిమాలో డిఫెరెంట్ బాలయ్యను చూస్తారు’, ‘భగవంత్ కేసరి సినిమా కమర్షియల్ ఎంటర్ టైనర్’, ‘ఫస్ట్ హాఫ్ బాగుంది. బాలయ్య కమ్ముశాడు. సెకండ్ హాఫ్ ఓకే. సూపర్ హిట్’, ‘భగవంత్ కేసరి హిట్ కొట్టింది. నందమూరి అభిమానులకు పండగే’, ‘బాలయ్య బాబు ఇరగదీశారు. శ్రీలీల సూపర్బ్. కాజల్ ఓకే’ అంటూ ఫాన్స్ కామెంట్స్ చేస్తున్నారు.
👉 – Please join our whatsapp channel here
https://whatsapp.com/channel/0029Va9VucP7oQhZ7fePda2Z
