ఎప్పుడూ వినూత్న కార్యక్రమాలతో అలరించే ‘సింగపూర్ తెలుగు సమాజం’ (STS) ఈ సంవత్సరం దసరా వేడుకలను అత్యంత ఘనంగా నిర్వహించేందుకు ఏర్పాటు చేసినట్లు ‘సింగపూర్ తెలుగు సమాజం’ అధ్యక్షులు బొమ్మారెడ్డి తెలిపారు. నాన్యంగ్ ఆడిటోరియంలో ‘దసరా కల్చరల్ నైట్-2023’ పేరుతో అక్టోబర్ 28 శనివారం సాయంత్రం 3 గంటల నుంచి ఈ వేడుకలు మొదలవుతాయన్నారు. ప్రముఖ తెలుగు యాంకర్‌ సుమ కనకాల వ్యాఖ్యాతగా వ్యవహరించనున్నారు. ‘జబర్దస్త్‌’ కళాకారులు బుల్లెట్ భాస్కర్, నరేష్, ఫైమా హాస్య ప్రదర్శనలు, ప్రముఖ ఇల్యూజనిస్ట్ బీఎస్‌ రెడ్డి ప్రదర్శనతో కార్యక్రమం మరింత సందడిగా ఉంటుందన్నారు. ‘ఢీ’ జోడి విజేత సంకేత్ మరియు నైనిక డాన్స్‌ కార్యక్రమం ఏర్పాటు చేశామన్నారు. ఈ వేడుకలకు సంపంగి డెవలపర్స్, జీఐజీ ఇంటర్నేషనల్ స్కూల్ ప్రధాన స్పాన్సర్స్‌గా వ్యవహరిస్తున్నాయి. జే మీడియా ఫ్యాక్టరీ ఈవెంట్ పార్టనర్‌ కాగా జానిక్, ప్రాప్నెక్స్ కుమార్, రమేష్ స్పాన్సర్‌ చేస్తున్నారు. ‘బుక్ మై షో’లో టికెట్లను బుక్ చేసుకునే అవకాశం కల్పించామని కార్యక్రమ నిర్వహకులు, ‘సింగపూర్ తెలుగు సమాజం’ ఉపాధ్యక్షులు కురిచేటి జ్యోతీశ్వర్ రెడ్డి, గౌరవ కార్యదర్శి పోలిశెట్టి అనిల్ తెలిపారు.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
