తెలంగాణ కెనడా అసోసియేషన్ (TCA) ఆధ్వర్యంలో టొరంటో నగరంలోని తెలంగాణ ప్రాంత వాసులు బతుకమ్మ సంబరాలను అత్యంత భక్తి శ్రద్ధలతో అంగరంగ వైభవంగా జరుపుకున్నారు. ఈ సంబరాలలో 3500కు పైగా తెలంగాణ వాసులు స్థానిక ఆనాపిలిస్ హాల్- మిస్సిసాగాలో పాల్గొని బతుకమ్మ పండుగను విజయవంతం చేశారు. శిల్పా చందా, శ్రీదేవి కల్లేపల్లి, సమత కాకర్ల, వైదేహి భగత్, అన్నపూర్ణ జ్యోతి ప్రజ్వలన చేసి బతుకమ్మ ఉత్సవాలను ఘనంగా ప్రారంభించారు. ఈ కార్యక్రమానికి ఈవెంట్ స్పాన్సర్‌గా Get-Home Realty వ్యవహరించినవారిని తెలంగాణ కెనడా అసోసియేషన్ ప్రెసిడెంట్ శ్రీనివాస్ మన్నెం శాలువాలతో అభినందించి TCA మొమెంటోస్ బహుకరించారు.
ఈ సంవత్సరం విశేష స్పందనతో అనూహ్యంగా 95 బతుకమ్మలను తీసుకువచ్చి టొరంటో తెలంగాణ ప్రజలు బతుకమ్మలపై వారికి ఉన్న భక్తిని చాటుకున్నారు. పలు వంటకాలతో పాట్ లాక్ విందు భోజనం సమకూర్చారు. ఈ సందర్బంగా కమిటీ అధ్యక్షులు శ్రీనివాస్ మన్నెం మాట్లాడుతూ తెలంగాణ ప్రజలకు బతుకమ్మ సంబరాలపై వారికి ఉన్న భక్తిశ్రద్ధలను కొనియాడారు. తెలంగాణ కెనడా సంఘం ఈ సందర్భంగా వారి అధికారిక తెలుగు పత్రిక TCA బతుకమ్మ సంచికను విడుదల చేశారు.
ఈ సంబరాలలో బతుకమ్మ ఆట సుమారు 5 గంటలు ఏకధాటిగా ఆట పాటలతో చివరగా పోయిరావమ్మ గౌరమ్మ పాటతో ఊరేగిపుంగా వెళ్లి నిమజ్జనం చేశారు. తరువాత సత్తుపిండి, నువ్వులపిండి, పల్లీలపిండి ప్రసాదం పంపిణి చేసారు. ఈ సంవత్సరం బతుకమ్మలలో అత్యుత్తమ బతుకమ్మలను ఎంపిక చేసేందుకు న్యాయ నిర్ణీతలుగా మనస్విని వేలపాటి, ప్రదీపా వాల వ్యవహరించారు. ఇందులో విజేతలకి విభూతి ఫ్యాబ్ స్టూడియోస్ వారు, తెలంగాణ కెనడా అసోసియేషన్ వారు, సండైన్ తెలుగు ఫుడ్స్ వారు బహుమతులను అందజేశారు.
తెలంగాణ కెనడా అసోసియేషన్ దసరా సంబరాలను జీవితకాల సభ్యులకు కొరకు నిర్వహించారు. దసరా సంబరాల్లో భాగంగా దుర్గా పూజా జరిపిన అనంతరం జమ్మి ఇచ్చి పుచ్చుకున్నారు. తెలంగాణ ప్రామాణికలతో రుచికరమైన విందు సభ్యులకు అందజేశారు.
ఈ కార్యక్రమంలో కార్యనిర్వాహక మండలి అధ్యక్షుడు శ్రీనివాస్ మన్నెం, ఉపాధ్యక్షుడు- మనోజ్ రెడ్డి, కార్యదర్శి శంతన్ నేరళ్లపల్లి, సంయుక్త కార్యదర్శి రాజేష్ అర్ర , సంయుక్త సాంస్కృతిక కార్యదర్శి ప్రహళిక మ్యాకల, కోశాధికారి వేణుగోపాల్ ఏళ్ల, సంయుక్త కోశాధికారి రాహుల్ బాలనేని, డైరెక్టర్లు – నాగేశ్వరరావు దలువాయి, ప్రవీణ్ కుమార్ సామల, శంకర్ భరద్వాజ పోపూరి, ధర్మకర్తల మండలి చైర్మన్ నవీన్ ఆకుల, బోర్డ్ ఆఫ్ ట్రస్ట్ సభ్యులు – మాధురి చాతరాజు, వ్యవస్థాపక సభ్యులు – దేవేందర్ రెడ్డి గుజ్జుల, కోటేశ్వర రావు చిత్తలూరి, ప్రకాష్ చిట్యాల, శ్రీనివాస తిరునగరి, హరి రావుల్, విజయ్ కుమార్ తిరుమలపురం, అఖిలేష్ బెజ్జంకి, ప్రభాకర్ కంబాలపల్లి, సంతోష్ గజవాడ, రాజేశ్వర్ ఈధ, వేణుగోపాల్ రోకండ్ల పాల్గొన్నారు.
తెలంగాణ కెనడా అసోసియేషన్ ప్రెసిడెంట్ శ్రీనివాస్ మన్నెం తెలుగు సంస్కృతిని చక్కగా వివరించి ఈ వేడుకలను విజయవంతం చేసిన తెలుగు వారందరికీ కృతజ్ఞతలు తెలిపారు. ఈ బతుకమ్మ, దసరా వేడుకలు కొన్ని సంవత్సరాల క్రితం కేవలం 800 మందితో ప్రారంభమయ్యి ఈనాడు 3500 మందికి పైగా తెలంగాణ కుటుంబాలు ఒక చోట కలుసుకొని పండగ చేసుకోవడం ఎంతో సంతోషంగా ఉందని అందరూ అభిప్రాయపడ్డారు. చివరగా తెలంగాణ కెనడా అసోసియేషన్ స్పాన్సర్లకు, ఈ కార్యక్రమం స్పాన్సర్లకు డిన్నర్ పాట్ లాక్ స్పాన్సర్లకు కృతజ్ఞతలు తెలుపుతూ కార్యక్రమాన్ని ముగించారు.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
