నట సింహం నందమూరి బాలకృష్ణ వరుస సినిమాలతో.. వరుస బ్లాక్బస్టర్లతో దూసుకెళ్తున్నారు. ఒకేసారి రెండు మూడు సినిమాలకు సైన్ చేసేసి.. వరుసగా షూటింగుల్లో పాల్గొంటున్నారు. ఇటీవలే భగవంత్ కేసరితో బ్లాక్ బస్టర్ హిట్ కొట్టిన బాలయ్య ఇప్పుడు తన నెక్స్ట్ మూవీపై ఫోకస్ పెట్టారు. బాలకృష్ణ- డైరెక్టర్ బాబీ కాంబినేషన్లో ఓ సినిమా తెరకెక్కనుంది. బాలయ్య కెరీర్లో ఇది 109 వ చిత్రం. NBK109 వర్కింగ్ టైటిల్తో రూపొందుతున్న ఈ సినిమాకు సంబంధించి చిత్రబృందం తాజాగా ఓ క్రేజీ అప్డేట్ ఇచ్చింది.ఈ సినిమా షూటింగ్ బుధవారం ప్రారంభమైనట్లు మూవీ టీమ్ ప్రకటించింది. నిర్మాణ సంస్థ సితారా ఎంటర్టైన్మెంట్స్.. ‘షూట్ బిగిన్స్’ అంటూ ఓ పోస్టర్ను రిలీజ్ చేసింది. ఈ పోస్టర్లో ఓ పదునైన గొడ్డలికి కళ్లద్దాలు జోడించి ఉండటం.. వీటితోపాటు అమ్మవారి లాకెట్, ఆయుధానికి వేలాడుతూ ఉన్నట్లు కనిపించడంతో ఈ సినిమాలోనూ బాలయ్య వీరమాస్ యాక్షన్ ఉండబోతోందని ఫ్యాన్స్ ఫుల్ ఖుష్ అవుతున్నారు. ‘లైట్స్ కెమెరా యాక్షన్’, ‘బ్లడ్ బాత్ కా బ్రాండ్ నేమ్’, ‘వైలెన్స్ కా విజిటింగ్ కార్డ్’ అంటూ క్యాప్షన్స్ రాసుకురావడంతో బ్లడీ యాక్షన్ ఉండబోతోందని నెటిజన్లు కామెంట్స్ చేస్తున్నారు.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
