గురజాడ రచనల్లో వాడుక భాష ఎంతో గొప్పదని, అదే తనకు నచ్చిన అంశమని ప్రముఖ సినీ గేయ రచయిత చంద్రబోస్‌ అన్నారు. ఆదివారం రాత్రి విజయనగరంలోని ఆనంద గజపతి ఆడిటోరియంలో హైకోర్టు న్యాయమూర్తి జస్టిస్‌ దుర్గాప్రసాదరావు ఆధ్వర్యంలో గురజాడ సాంస్కృతిక సమాఖ్య చంద్రబోస్‌ను గురజాడ విశిష్ట పురస్కారంతో సత్కరించింది. ఈ సందర్భంగా చంద్రబోస్‌ మాట్లాడారు. రాసే ప్రతి పాట తన తల్లికి అర్థమైతే చాలని, అప్పుడు ప్రజలందరికీ అర్థమవుతుందని అన్నారు. కార్యక్రమంలో సమాఖ్య ప్రధాన కార్యదర్శి కాపుగంటి ప్రకాశ్‌ తదితరులు పాల్గొన్నారు.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
