టాలీవుడ్ స్టార్ హీరో ఎన్టీఆర్‌ (NTR) హీరోగా.. కొరటాల శివ (Koratala Shiva) ద‌ర్శ‌క‌త్వంలో వ‌స్తున్న చిత్రం ‘దేవర’(Devara). ఈ చిత్రంతో శ్రీదేవి గార‌ల‌ప‌ట్టి జాన్వీకపూర్ (Janvi kapoor) తెలుగు ఇండ‌స్ట్రీకి పరిచయం అవుతుంది. ఇక ఈ సినిమా రెండు భాగాలుగా రానున్న‌ట్లు మేక‌ర్స్ ప్ర‌క‌టించిన విష‌యం తెలిసిందే. తొలిభాగం 2024 ఏప్రిల్ 5న విడుద‌ల కానుంది. ఇప్పటికే ఈ సినిమా నుంచి తారక్ లుక్‌తో పాటు, సైఫ్ అలీఖాన్, జాన్వీకపూర్ లుక్‌ల‌ను రిలీజ్ చేయ‌గా.. ప్రేక్ష‌కుల‌ను ఆక‌ట్టుకున్నాయి. ఇక ఈ సినిమా టీజర్ ఎప్పుడు వ‌స్తుందా ఎప్పుడెప్పుడు చూద్దామా అంటూ తారక్ ఫ్యాన్స్ వెయ్యి కండ్ల‌తో ఎదురు చూస్తున్నారు. అయితే ఈ టీజ‌ర్‌పై ఒక సాలిడ్ న్యూస్ బ‌య‌ట‌కు వ‌చ్చింది.
దేవర టీజ‌ర్‌ను డిసెంబ‌ర్ 25న కానీ లేదా జనవరి 1 విడుద‌ల చేయ‌నున్న‌ట్లు సోష‌ల్ మీడియాలో టాక్ న‌డుస్తుంది. అయితే లేటెస్ట్‌గా దేవర టీజర్‌ని డిసెంబ‌ర్ 22న విడుద‌ల కానున్న రెండు పాన్ ఇండియా సినిమాలు సలార్, డంకీ సినిమాల‌తో థియేటర్స్‌లో విడుద‌ల చేయ‌నున్న‌ట్లు స‌మాచారం. ఒకవేళ ఇదే నిజమైతే మాత్రం దేవరకి సాలిడ్ రీచ్ దొరికేసినట్లే. ఓవర్సీస్‌లో డంకీ సినిమాకి, ఇండియాలో సలార్ సినిమాకి సాలిడ్ బజ్ ఉంది కాబట్టి ఈ సినిమాలకి పాటు దేవర టీజర్ అటాచ్ చేస్తే బాగుంటుంది అని మేక‌ర్స్ అలోచిస్తున్న‌ట్లు స‌మాచారం. కాగా దీనిపై చిత్ర‌బృందం నుంచి అధికారిక ప్ర‌క‌ట‌న రావాల్సి ఉంది.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
