సామాజిక న్యాయ స్ఫూర్తికి ప్రతిబింబంగా 18 ఎకరాల సువిశాల స్థలంలో ఏర్పాటు చేస్తున్న 125 అడుగుల డాక్టర్‌ బి.ఆర్‌.అంబేడ్కర్‌ విగ్రహం, స్మృతి వనాన్ని జనవరి 20న ముఖ్యమంత్రి జగన్‌మోహన్‌రెడ్డి ప్రారంభిస్తారని ప్రభుత్వ ప్రత్యేక ప్రధాన కార్యదర్శి (మున్సిపల్‌, పట్టణాభివృద్ధి) వై.శ్రీలక్ష్మి వెల్లడించారు. శుక్రవారం ఆమె విజయవాడ నగరం స్వరాజ్య మైదానంలోని అంబేడ్కర్‌ స్మృతివనం పనులను పరిశీలించారు. అనంతరం ఆమె మాట్లాడుతూ.. ఇప్పటికే అంబేడ్కర్‌ విగ్రహ నిర్మాణం పూర్తయిందని తెలిపారు. ఆ ప్రాంగణంలో మిగిలిన పనులను పూర్తి చేసి, జనవరి 20న ప్రారంభోత్సవానికి సిద్ధం చేస్తున్నామని వివరించారు.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
