నగరంలోని ఎల్బీ స్టేడియంలో రాష్ట్ర ప్రభుత్వం శుక్రవారం ‘క్రిస్మస్‌ వేడుకలు’ నిర్వహించనుంది. ముఖ్యమంత్రి రేవంత్‌రెడ్డి పాల్గొననున్నారు. సాయంత్రం 5 నుంచి రాత్రి 9 గంటల వరకు పరిసరాల్లో ట్రాఫిక్ ఆంక్షలు అమల్లో ఉంటాయని అధికారులు తెలిపారు. ఏఆర్‌ పెట్రోల్‌బంక్‌ కూడలినుంచి బషీర్‌బాగ్‌ బీజేఆర్‌ విగ్రహం కూడలి వైపు ట్రాఫిక్‌ను అనుమతించరు. నాంపల్లి లేదా రవీంద్రభారతి వైపు పంపిస్తారు. అబిడ్స్‌, గన్‌ఫౌండ్రిల వైపునుంచి వచ్చే ట్రాఫిక్‌ను బషీర్‌బాగ్‌ బీజేఆర్‌ విగ్రహం కూడలి వైపు అనుమతించరు. గన్‌ఫౌండ్రిలోని ఎస్‌బీఐ నుంచి సుజాతస్కూల్‌, చాపెల్‌ రోడ్డు వైపు(అవసరాన్ని బట్టి) పంపిస్తారు. ట్యాంక్‌బండ్‌ నుంచి బషీర్‌బాగ్‌ కూడలి వైపు వచ్చే వాహనాలు లిబర్టీ జంక్షన్‌ నుంచి హిమాయత్‌నగర్‌ వైపు(అప్పటి పరిస్థితులను బట్టి) పంపిస్తారు.
రాష్ట్రపతి నిలయం వద్ద.. సికింద్రాబాద్‌ బొల్లారంలోని రాష్ట్రపతి నిలయంలో శుక్రవారం ‘ఎట్‌ హోమ్‌’ కార్యక్రమం దృష్ట్యా ట్రాఫిక్ మళ్లింపులుంటాయని ట్రాఫిక్ పోలీసు అధికారులు చెప్పారు. శుక్రవారం మధ్యాహ్నం 3 నుంచి రాత్రి 8 గంటల వరకు లోతుకుంట టీ.జంక్షన్‌, ఎంసీఈఎంఈ సిగ్నల్‌, లాల్‌బజార్‌ టి.జంక్షన్‌, తిరుమలగిరి ఎక్స్‌రోడ్స్‌, సికింద్రాబాద్‌ క్లబ్‌ఇన్‌ గేట్‌, టివోలి కూడలి, ప్లాజా ఎక్స్‌ రోడ్స్‌, సీటీఓ, ఎస్‌బీఐజంక్షన్‌, రసూల్‌పుర, పీఎన్‌టీ పైవంతెన, గ్రీన్‌ల్యాండ్‌, మోనప్ప కూడలి, ఖైరతాబాద్‌ వీవీ విగ్రహం జంక్షన్‌ వద్ద, పంజాగుట్ట, ఎన్‌ఎఫ్‌సీఎల్‌, ఎన్టీఆర్‌ భవన్‌, జూబ్లీహిల్స్‌ చెక్‌ పోస్టుల వద్ద ట్రాఫిక్ నిలిపివేయనున్నారు.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
