సైంధవ్‌’తో సినీప్రియుల్ని అలరించేందుకు సిద్ధమవుతున్నారు వెంకటేశ్‌. ఆయన కథానాయకుడిగా నటించిన ఈ పాన్‌ ఇండియా చిత్రాన్ని శైలేశ్‌ కొలను తెరకెక్కించిన సంగతి తెలిసిందే. వెంకట్‌ బోయనపల్లి నిర్మాత. శ్రద్ధా శ్రీనాథ్‌ కథానాయిక. సినిమా ఈ నెల 13న థియేటర్లలోకి రానుంది. ఈ నేపథ్యంలోనే ఈ నెల 3న ట్రైలర్‌ని విడుదల చేయనున్నారు. ఈ విషయాన్ని చిత్ర బృందం సోమవారం అధికారికంగా ప్రకటించింది. ఈ మేరకు ఓ కొత్త పోస్టర్‌ను అభిమానులతో పంచుకుంది. అందులో వెంకీ, బేబీ సారా చిరునవ్వులు చిందిస్తూ కనిపించారు. తండ్రీకూతుళ్ల అనుబంధాల నేపథ్యంలో సాగే యాక్షన్‌ కథాంశంతో రూపొందిన చిత్రమిది. ఇందులో నవాజుద్దీన్‌ సిద్ధిఖీ, రుహానీ శర్మ, ఆండ్రియా తదితరులు కీలక పాత్రలు పోషించారు. సంతోష్‌ నారాయణన్‌ సంగీతమందించగా.. యస్‌.మణికందన్‌ ఛాయాగ్రాహకుడిగా వ్యవహరించారు.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
