సినిమాల్లో అందం, అభినయంతో సినీప్రియుల హృదయాల్ని గెలుచుకునే మన అందాల తారలు.. ప్రస్తుతం యాక్షన్‌ చిత్రాల బాట పడుతున్నారు. వరుస సినిమాలతో బిజీగా గడుపుతున్న బాలీవుడ్‌ భామ కియారా అడ్వాణీ త్వరలో ‘వార్‌ 2’లో తన యాక్షన్‌తో ప్రేక్షకులను మెప్పించడానికి సిద్ధమవుతున్న సంగతి తెలిసిందే. హృతిక్‌ రోషన్‌, ఎన్టీఆర్‌ ప్రధాన పాత్రలో నటిస్తున్న చిత్రమిది. ఇటీవలే ఈ సినిమా సెట్లోకి అడుగు పెట్టారు ఎన్టీఆర్‌. ఈ స్పై యాక్షన్‌ థ్రిల్లర్‌ చిత్రాన్ని అయాన్‌ ముఖర్జీ తెరకెక్కిస్తున్నారు. శరవేగంగా జరుగుతున్న ఈ సినిమా షూటింగ్‌లో మే 1 నుంచి కియారా పాల్గొనున్నట్లు తెలుస్తుంది. ఆమె ఇందులోని తన పాత్రకు సంబంధించిన యాక్షన్‌ సన్నివేశాల కోసం ప్రత్యేక కసరత్తులు కూడా ప్రారంభించినట్లు సమాచారం. యశ్‌రాజ్‌ ఫిలింస్‌ నిర్మిస్తున్న ఈ సినిమా వచ్చే ఏడాది ఆగస్టు 14న విడుదల కానుంది. ప్రస్తుతం ‘డాన్‌ 3’, ‘గేమ్‌ ఛేంజర్‌’ చిత్రాల్లో నటిస్తోంది కియారా.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
