అమెరికా రాజధాని వాషింగ్టన్ డీ.సిలో నందమూరి తారక రామారావు 101 జయంతి వేడుకలు ఘనంగా జరిగాయి. ఆయన అభిమానులు, ఎన్నారై తెలుగుదేశం విభాగం నిర్వహించిన ఈ కార్యక్రమంలో తెలుగుదేశం చింతలపూడి నియోజకవర్గం అభ్యర్థి సొంగ రోషన్ కుమార్ పాల్గొన్నారు.
రోషన్ కుమార్ మాట్లాడుతూ.. సమాజమే దేవాలయం ప్రజలే దేవుళ్ళు అని నినదించిన ఏకైక రాజకీయ నాయకుడు ఎన్టీఆర్ అని బలహీన వర్గాల వారికి రాజకీయ వేదికను, సమాన అవకాశాలను అందించిన గొప్ప ఆదర్శవాది అని కొనియాడారు. తెదేపా రాష్ట్ర కార్యనిర్వాహక్ కార్యదర్శి సతీష్ వేమన మాట్లాడుతూ.. ఎన్టీఆర్ తెలుగు వారి శాశ్వత చిరునామా అని.. సినీ, రాజకీయ రంగం పట్ల ఆయన అంకితభావం.. కస్టపడి ఎదిగిన తీరు నేటి యువతకు, నాయకులకు ఆదర్శమన్నారు.
ఈ కార్యక్రమంలో భాను మాగులూరి, సాయి బొల్లినేని, త్రిలోక్ కంతేటి, సుధీర్ కొమ్మి, అనిల్ ఉప్పలపాటి, సత్య సూరపనేని, జ్యోతి ప్రకాష్, రమేష్ అవిర్నేని, చౌదరి యలమంచిలి, సురేష్ పాలడుగు, చంద్ర మాలావతు, వీర్రాజు, సీతారామారావు, ప్రదీప్ గుత్తా, వెంపరాల హనుమంతరావు తదితరులు పాల్గొన్నారు.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
