ఆంధ్ర ప్రదేశ్ అసెంబ్లీ ఎన్నికల్లో తెలుగుదేశం విజయం పట్ల ప్రవాసాంధ్రులు తమ సంతోషాన్ని వ్యక్తం చేస్తూ వేడుక చేసుకున్నారు. స్కాట్లాండ్ రాజధాని ఎడిన్బర్గ్ నగరంలోని అప్ హాల్ లో జరిగిన కార్యక్రమం లో NRI లు సకుటుంబ సమేతం గా పాల్గొని తమ హర్షాతిరేకాలు వ్యక్తం చేసారు. కార్యక్రమం ప్రారంభం లో ఈనాడు సంస్థల అధిపతి శ్రీ రామోజీరావు గారి మృతి పై తమ సంతాపాన్ని వ్యక్తం చేస్తూ రెండు నిముషాలు మౌనం పాటించి, తెలుగుదేశం పార్టీ వ్యవస్థాపకులు శ్రీ నందమూరి తారకరామారావు గారికి మరియు శ్రీ రామోజీ రావు గారికి నివాళులు అర్పించారు. అనంతరం బాలబాలికలు కేకులు కట్ చేయగా తెలుగుదేశం పార్టీ కూటమి విజయాన్ని కొనియాడుతూ సంబరాలు చేసుకున్నారు.
కార్యక్రమం లో తెలుగుదేశం, జనసేన, బీజేపీ పార్టీల అభిమానులైన సాంకేతిక నిపుణులు, వైద్యులు, బ్యాంకింగ్ రంగ నిపుణులు మరియు శాస్త్రవేత్తలు పాల్గొన్నారు. వక్తలు మాట్లాడుతూ ఆంధ్రప్రదేశ్ రాష్ట్రములో గడిచిన ఐదు సంవత్సరాలలో జరిగిన ఆర్థిక, సామాజిక విధ్వంసాన్ని గుర్తు చేసుకున్నారు. 2019 కి ముందు శరవేగంగా జరుగుతున్న రాజధాని అమరావతి, పోలవరం ప్రాజెక్ట్ నిర్మాణం, పారిశ్రామికాభివృద్ధిని వైసీపీ ప్రభుత్వం ఏవిధం గా కాలరాసిందో గుర్తుచేసుకున్నారు. రాష్ట్రం లో మరియు కేందం లో NDA ప్రభుత్వం ఏర్పడటం, కేంద్రం లో ప్రభుత్వం ఏర్పాటుకు ఆంధ్రప్రదేశ్ పార్లమెంట్ సభ్యుల మద్దత్తు కీలకం కావటం తో రాబోయే ఐదు సంవత్సరాల్లో కేంద్ర ప్రభుత్వ సహకారం తో ఆంధ్ర ప్రదేశ్ మళ్ళీ అభివృద్ధి పధం లోకి వస్తుందని ఆశాభావాన్ని వ్యక్తం చేసారు.
కార్యక్రమం లో పొట్లూరు కృష్ణ, గుత్తా అమర్, దాసరి శ్రీనివాసరావు, వింజం మురళి, పొత్తూరి నవీన్, మండవ అజయ్, డాక్టర్ లావు శ్రీకాంత్, స్కాట్లాండ్ తెలుగు సంఘం ప్రతినిధి కెంబూరి మైథిలి, పొట్లూరి స్రవంతి మరియు జనసేన, బీజేపీ మద్దతుదారులు పాల్గొన్నారు.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
