శ్రీకాకుళం జిల్లా కత్తువకవిటి గ్రామానికి చెందిన న్యూజెర్సీ ప్రవాసాంధ్రుడు గేదెల దామును “సేవారత్న” పురస్కారం వరించింది. విద్యా, వైద్య రంగాల ద్వారా సమజాభివృద్ధికి చేయూతనందించడం, పాఠశాలా నిర్మాణం, ఉచిత వైద్యసేవలు వంటివి ఏర్పాటు చేసి తనవంతు బాధ్యతగా ఇతరులకు తోడ్పడినందుకు గానూ ఆయనను ఈ పురస్కారం వరించింది. 40ఏళ్ల పాటు గ్రామీణ ప్రజలతో పాటు, అమెరికాలో ప్రవాసులకు విలువైన సహకారం అందజేసినందుకు గానూ ఆయనకు న్యూజెర్సీలోని నృత్య మాధవి నాట్యాలయం ఆయనను “సేవారత్న” పురస్కారంతో సత్కరించింది. నాట్యాలయ నిర్వాహకురాలు ఏలూరి దివ్య చేతుల మీదుగా శనివారం నాడు జరిగిన వార్షికోత్సవంలో దాము ఈ పురస్కారాన్ని అందుకున్నారు.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
