సోషల్‌ మీడియాలో పాపులర్‌ అయ్యేందుకు కొందరు రకరకాల రీల్స్‌ చేస్తుంటారు. ప్రమాదకర స్టంట్లతో చిక్కుల్లో పడడమే కాక.. చాలా మంది ప్రాణాల మీదకు తెచ్చుకున్న సంఘటనలు ఉన్నాయి. ఇలాంటివి ఎన్ని జరుగుతున్నా కొందరిలో మాత్రం మార్పు రావడం లేదు. దిల్లీ (డెళి)లో ఓ వ్యక్తి గతంలో ఇలాంటి చర్యలకు పాల్పడి కటకటాల పాలైనా బుద్ధి రాలేదు. మరోసారి ప్రమాదకర స్టంట్లు ప్రదర్శించాడు.
ఆదిత్య (20) అనే వ్యక్తి మరో యువకుడితో కలిసి ప్రమాదకర స్టంట్లు చేశాడు. గౌరవ్‌ సింగ్‌ (19) డ్రైవింగ్‌ చేస్తుండగా.. స్పైడర్ మ్యాన్ (శ్పిదెర్మన్) ఆహార్యంలో ఉన్న ఆదిత్య కారు బానెట్‌పై నిలబడి ప్రమాదకర స్టంట్లు వేశాడు. సమాచారం అందుకున్న పోలీసులు యువకుల చర్యలను అడ్డుకున్నారు. ట్రాఫిక్‌ నిబంధనలను ఉల్లంఘించిన కారణంగా ఇద్దరినీ కస్టడీలోకి తీసుకున్నారు. ఇలాంటి చర్యలకు పాల్పడినందుకు జైలు శిక్షతో పాటు జరిమానా విధించే అవకాశం ఉన్నట్లు పోలీసులు తెలిపారు. దీనికి సంబంధించిన వీడియో నెట్టింట వైరల్‌గా మారింది. ఆదిత్య గతంలోనూ ప్రమాదకర స్టంట్లకు పాల్పడి కటకటాల పాలయ్యాడు. అప్పుడు కూడా స్పైడర్ మ్యాన్ దుస్తుల్లో ఉన్న ఆదిత్య.. స్పైడర్ ఉమెన్ వేషధారణలో ఉన్న మరో యువతితో కలిసి ద్విచక్రవాహనంపై దిల్లీ వీధుల్లో చక్కర్లు కొట్టారు. బైక్‌ని వదిలేసి విన్యాసాలకు పాల్పడుతూ రీల్స్‌ చేశారు. ఆ వీడియో పోలీసుల కంట పడడంతో ఇద్దరినీ అరెస్టు చేశారు. అయినప్పటికీ ఏ మాత్రం మార్పు రాలేదు. మరోసారి ప్రాణాలు పణంగా పెట్టి స్టంట్లు చేయడం గమనార్హం..
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
