* కృష్ణా జిల్లా గుడ్లవల్లేరులోని ఇంజినీరింగ్‌ కళాశాలలో సీక్రెట్‌ కెమెరాలున్నాయనే ఆరోపణలపై పోలీసులు కేసు నమోదు చేశారు. ఇందుకు సంబంధించిన వివరాలను కృష్ణా జిల్లా ఎస్పీ వెల్లడించారు. బాలికల హాస్టల్‌లో ఎలాంటి రహస్య కెమెరాలు గుర్తించలేదని తెలిపారు. నిందితుల ల్యాప్‌టాప్‌లు, మొబైల్ ఫోన్‌లు, ఇతర ఎలక్ట్రానిక్ గ్యాడ్జెట్‌లను పోలీసులు పరిశీలించారన్నారు. నేరారోపణ చేసే ఏ విధమైన అంశాలు బయటపడలేదని పేర్కొన్నారు. విద్యార్థినులు ఈ సమస్య గురించి ఆందోళన చెందాల్సిన అవసరం లేదని చెప్పారు. తదుపరి విచారణ పురోగతిలో ఉందన్నారు. ఈ ఘటనకు సంబంధించి తప్పు చేసిన వారిని గుర్తించి కఠిన చర్యలు తీసుకుంటామన్నారు.
* శ్మశానవాటిక సమీపంలో నివసించే మంత్రగాడు ఏడేళ్ల బాలికపై అత్యాచారానికి పాల్పడ్డాడు. (Tantrik rapes Girl) ఈ విషయం ఎవరికైనా చెబితే అనారోగ్యంతో ఉన్న ఆమె తండ్రి చనిపోతాడని బెదిరించాడు. బాలిక అస్వస్థత చెందటంతో ఈ దారుణం వెలుగులోకి వచ్చింది. దేశ రాజధాని ఢిల్లీలో ఈ సంఘటన జరిగింది. క్షుద్ర పూజలు చేసే 52 ఏళ్ల మహ్మద్ షరీఫ్, కంఝవాలాలోని శ్మశాన వాటిక సమీపంలో నివసిస్తున్నాడు. మంత్రగాడిగా, భూతవైద్యుడిగా స్థానికంగా ప్రచారం పొందాడు. కాగా, భార్య చనిపోయిన ఒక వ్యక్తి తన ముగ్గురు పిల్లలతో కలిసి కంఝవాలా ప్రాంతంలో నివసిస్తున్నాడు. కూరగాయలు అమ్మి జీవించే అతడు ఆగస్ట్‌ 26న అనారోగ్యానికి గురయ్యాడు. భూతవైద్యుడు మహ్మద్ షరీఫ్ అతడి ఇంటికి వచ్చి పరిశీలించాడు. పూజలు చేయాలన్న అతడు బాలికతో బియ్యం పంపాలని చెప్పాడు. మరోవైపు ఏడేళ్ల కుమార్తె వెంట కుమారుడ్ని కూడా ఆ వ్యక్తి పంపాడు. కొంత సమయం తర్వాత ఆ బాలుడు ఇంటికి తిరిగి వచ్చాడు. పూజల కోసం సోదరిని ఆ మంత్రగాడు తన వద్ద ఉంచుకున్నట్లు తండ్రికి చెప్పాడు. కొన్ని గంటల తర్వాత ఆ బాలిక ఇంటికి తిరిగి వచ్చింది. అయితే మౌనంగా ఉన్న ఆమె ఆ మరునాడు అస్వస్థతకు గురైంది. బాలికను హాస్పిటల్‌కు తరలించగా ఆమెపై లైంగిక దాడి జరిగినట్లు డాక్టర్లు గుర్తించారు.
* మహారాష్ట్రలో హిట్‌ అండ్‌ రన్‌ కేసుల సంఖ్య క్రమంగా పెరుగుతోంది. తాజాగా ఓ మైనర్‌ బాలుడు మద్యం సేవించి కారు నడిపి.. బైక్‌ను ఢీకొన్న ఘటనలో ఓ వ్యక్తి మృతిచెందాడు. ఈ ప్రమాద ఘటనలో కారు నడిపిన మైనర్‌ను పోలీసులు అరెస్ట్‌ చేశారు. వివరాల ప్రకారం.. ముంబైలోని గోరేగావ్ ప్రాంతంలో గురువారం తెల్లవారుజామున మైనర్‌(17) ఎస్‌యూవీ కారును రాంగ్‌ రూట్‌లో నడుపుతూ ఎదురుగా వస్తున్న బైక్‌ను ఢీకొట్టాడు. ఈ క్రమంలో బైక్‌పై ఉన్న నవీన్‌ వైష్ణవ్‌(24) తీవ్రంగా గాయపడ్డాడు. అనంతరం, కారు పక్కనే ఉన్న కరెంట్‌ స్థంభాన్ని ఢీకొట్టింది. ఈ ప్రమాదంలో కారు నడుపుతున్న మైనర్‌ గాయపడటంతో కిందపడిపోయాడు. ప్రమాదం జరిగిన తర్వాత మైనర్‌ అక్కడి నుంచి పారిపోయే ప్రయత్నం చేయడంతో స్థానికులు అతడిని పట్టుకున్నారు.
* ఎన్ని కొత్త చట్టాలు తీసుకొచ్చినా.. ఎందరినీ శిక్షించినా.. దేశంలో నిత్యం ఏదోకమూల అమ్మాయిలపై అగాయిత్యాలు జరుగుతూనే ఉన్నాయి. అపాయంలో ఉన్న అమ్మాయిలను ప్రతీ చోట, ప్రతీసారి ఎవరో ఒకరు వచ్చి కాపాడలేని పరిస్థితి. దీంతో ఎందరో అడపిల్లల జీవితాలు రాలిపోతున్నాయి. తాజాగా పట్టపగలు.. నడిరోడ్డుపై ఓ ఆకతాయి రోడ్డుపై వెళ్తున్న యువతి వెంటపడటమేకాకుండా ఆమెను కొడుతూ.. చిత్రహింసలు పెట్టసాగాడు. పైగా అది నిర్మానుష్య ప్రదేశం కావడంతో జనసంచారం కూడా తక్కువగా ఉంది. ఇదే అదనుగా సదరు ఆకతాయి మరింత రెచ్చిపోయాడు. అయితే ఇంతలో అనూహ్య సంఘటన చోటుచేసుకుంది. అటుగా వచ్చిన ఓ బస్సు ఉన్నట్లుండి ఆగడంతో అందులోని ప్రయాణికులు దిగొచ్చి.. సదరు ఆకతాయిని చితక్కొట్టారు. ఇందుకు సంబంధించిన వీడియో ప్రస్తుతం సోషల్ మీడియాలో వైరల్‌గా మారింది. ఈ వీడియోలో ఓ వ్యక్తి యువతిని వేధించడం, శారీరకంగా దాడి చేయడం కనిపిస్తుంది. అదే రోడ్డుపై వెళ్తున్న ఓ బస్సులోని ప్రయాణికులు గమనించడంతో ఈ ఘటనలో మలుపు చోటు చేసుకుంది. అంతే.. మెరుపు వేగంతో బస్సు ఆపు చేయించారు. అనంతరం బస్సులోని ప్రయాణికులు అప్రమత్తమై యువతిని వేధిస్తున్న వ్యక్తిపై మూకుమ్మడిగా దాడి చేశారు. ప్రయాణీకులు ధైర్యంతో జోక్యం చేసుకోవడంతో నిందితుడి బారీ నుంచి యువతిని కాపాడగలిగారు. రోడ్డుపై ఉన్న ఓ సీసీటీవీ ఫుటేజీలో ఇందుకు సంబంధించిన దృశ్యాలు రికార్డు కావడంతో ఈ విషయం వెలుగులోకి వచ్చింది. ఎక్కడ జరిగిందో తెలియదు గానీ.. ప్రస్తుతం ఈ వీడియో క్లిప్‌ సోషల్ మీడియాలో వైరల్‌గా మారింది.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
