అమెరికన్ ప్రొగ్రెసివ్ తెలుగు అసోసియేషన్(APTA-ఆప్త) 16వ వార్షికోత్సవాన్ని వర్జీనియాలోని డ్రోమవల్లలో శుక్ర శనివారాల్లో వైభవంగా నిర్వహిస్తున్నారు. శుక్రవారం నాడు బ్యాంక్వెట్ విందుతో ఈ వార్షికోత్సవం ప్రారంభం అయింది. ఈ విందులో అవనిగడ్డ శాసనసభ్యులు మండలి బుద్ధప్రసాద్ తదితరులు పాల్గొన్నారు. పలు సాంస్కృతిక కార్యక్రమాలు, ప్రవాసులకు సన్మాన కార్యక్రమాలను నిర్వహించారు. సన్మానం అందుకున్న వారిలో డా.ఉదయశంకర్, డా. చక్రరావు, మండలి బుద్ధప్రసాద్, సంగీత దర్శకుడు కోటి, నటుడు పృథ్వీరాజ్, బండి శివశంకర్ రణధీర్, ఆలివ్ స్వీట్స్ దొరరాజులు ఉన్నారు. వారి వారి రంగాల్లో విశేష సేవలందించినందుకు గానూ వీరిని సత్కరిస్తున్నట్లు ఆప్త ప్రకతించింది. చౌరాస్త మ్యూజిక్ బ్యాండ్ ప్రదర్శన అలరించింది. ఐకమత్యం, సంస్కృతి, తెలుగువారి ఉనికిని మరోసారి గుర్తుచేసేందుకు ఈ వేడుకలు దోహదపడతాయని నిర్వాహకులు తెలిపారు.
శనివారం నాడు రెండోరోజు కార్యక్రమాల్లో భాగంగా సంగీత దర్శకుడు కోటి సంగీత విభావరి నిర్వహిస్తున్నారు. వేడుకల నిర్వహణను కన్వీనర్ దంగేటి కిషోర్, కార్యదర్శి పద్యాల గోపీచంద్, సంస్థ అధ్యక్షుడు ముద్రగెడ త్రినాథ్, కార్యదర్శి నరహరిశెట్టి హిమబిందు, భోడ్ ఛైర్మన్ సీరం సూర్యనారాయణ తదితరులు పర్యవేక్షించారు.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
