కలియుగ ప్రత్యక్ష దైవం తిరుమల శ్రీ వెంకటేశ్వరస్వామి వారి సన్నిధిలో గత ఐదేళ్ల పాటు పాపాలు చేసిన వైసీపీ… చేసిన తప్పులను కప్పిప్పుచుకునేందుకు మరో డ్రామాకు తెర తీసిందని టీడీపీ రాష్ట్ర కార్యనిర్వహక కార్యదర్శి మన్నవ మోహనకృష్ణ ఆగ్రహం వ్యక్తం చేశారు. ప్రజల్ని మభ్య పెట్టేందుకు రాష్ట్ర వ్యాప్తంగా ఆలయాల్లో పూజలంటూ జగన్‌రెడ్డి నయా డ్రామాకు తెర తీశారని వ్యాఖ్యనించారు. లడ్డూ విషయంలో జరిగిన తప్పును కప్పిపుచ్చుకునేందుకు కొత్త ఎత్తుగడని మన్నవ అన్నారు. దేవుడి పేరు చెప్పి దోచుకోవడమే లక్ష్యంగా తిరుమల కొండను సర్వం భ్రష్టుపట్టించారని మండిపడ్డారు. పాదరక్షలతో జగన్ తిరుమల మాఢవీధుల్లో తిరిగారని, తిరుమలలో అన్యమతస్థులను నియమించారని ఆయన ఆవేదన వెలిబుచ్చారు.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
