లుయివిల్‌లో దీపావళి సంబరాలు

అమెరికాలోని కెంటకీ రాష్ట్రం లుయివిల్‌లో దీపావళి సంబరాలు ఘనంగా నిర్వహించారు. కెంటకీ తెలుగు సంఘం ఆధ్వర్యంలో ఈ వేడుకలు నిర్వహించారు. దీనిలో భాగంగా ఏర్పాటు చేసిన కార్యక్రమంలో సినీగీతాలకు చిన్నారులు, పెద్దలు డ్యాన్స్‌లతో ఆకట్టుకున్నారు. నాట్య కేంద్ర, గురువందన అకాడమీల నాట్య ప్రదర్శనలు ప్రత్యేక ఆకర్షణగా నిలిచాయి.

కెంటకీ తెలుగు సంఘం అధ్యక్షులు శ్యాం కోయ మాట్లాడుతూ తమ సంస్థ కార్యక్రమాలను వివరించారు. దీపావళి వేడుకలు విజయవంతంగా జరిగేందుకు సహకరించిన వాలంటీర్ల బృందాన్ని సభకు పరిచయం చేస్తూ అభినందించారు. అనంతరం వాలంటీర్లకు మెమొంటోలు బహూకరించారు. దావత్ బ్యాండ్ బృందం నిర్వహించిన లైవ్ మ్యూజిక్ ఆహుతులను ఉర్రూతలూగించింది. వారు ప్రదర్శించిన సినీ గీతాలకు ప్రేక్షకుల నుంచి మంచి స్పందన లభించింది. ఈ కార్యక్రమానికి రమ్య గంటేటి, శిరీష వనం వ్యాఖ్యాతలు వ్యవహరించి ఆద్యంతం ఉత్సాహంగా నడిపించారు.

👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z