2025 జులై 4,5,6 తేదీల్లో ఫ్లోరిడా రాష్ట్రంలోని టాంపాలో నిర్వహిస్తున్న ఉత్తర అమెరికా తెలుగు సొసైటీ (నాట్స్) 8వ అమెరికా తెలుగు సంబరాలను విజయవంతం చేయాలని సంబరాల సమన్వయకర్త గుత్తికొండ శ్రీనివాస్ కోరారు. శనివారం నాడు అర్వింగ్‌లో స్థానిక నాట్స్ సభ్యులతో ఆయన సమావేశమయ్యారు.
అమెరికాలో అత్యధిక తెలుగు జనాభా కలిగిన డల్లాస్ ప్రాంతం నుండి ప్రవాసులు పెద్ద సంఖ్యలో ఈ వేడుకల్లో పాల్గొనేలా స్థానిక నాట్స్ బృందం కృషి చేయాలని, సంబరాల్లో తెలుగు సంస్కృతిని ప్రతిబింబించేలా నిర్వహిస్తున్న కార్యక్రమాల గూర్చి విస్తృత ప్రచారం కల్పించాలని శ్రీనివాస్ కోరారు. ఇటీవల జరిగిన సన్నాహక సమావేశంలో ఈ వేడుకల నిర్వహణకు ₹15కోట్లు సమీకరించామని, తమన్ చేతుల మీదుగా టీజర్‌ను విడుదల చేశామని శ్రీనివాస్ తెలిపారు.
మరిన్ని వివరాలకు https://www.sambaralu.org/ వెబ్‌సైట్ చూడాలని సూచించారు. ఈ కార్యక్రమంలో నాట్స్ మాజీ అధ్యక్షుడు నూతి బాపు, నాట్స్ ప్రతినిధులు మాదాల రాజేంద్ర తదితరులు పాల్గొన్నారు.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
