మలేషియా తెలంగాణ అసోసియేషన్ (MYTA) దశాబ్ది ఉత్సవాలు ఘనంగా నిర్వహించారు. ఈ కార్యక్రమంలో తెలంగాణ రాజకీయ పార్టీల ప్రముఖులు, తెలుగు సినీ కళాకారులు, నటి నటులు, ఉస్తాద్ బిస్మిల్లాఖాన్ అవార్డు గ్రహీత ధరావత్ రాజకుమార్ మరియు బృందం (పేరిణి నృత్యం), ఉస్తాద్ బిస్మిల్లాఖాన్ అవార్డు గ్రహీత అంగడి భాస్కర్ మరియు బృందం(డప్పు), రేలారే గంగా, జంగిరెడ్డీ, దరువు అంజన్న, తెలంగాణ జానపద గాయనీ గాయకులు, జబర్దస్త్ సినీ కళాకారులు పాల్గొన్నారు. కాకతీయ తోరణం, తెలంగాణ తల్లి విగ్రహము, బతుకమ్మ బోనాల ప్రతిమలు, సమ్మక్క సారక్కల గద్దెలు, యాదాద్రి మందిరం నుండి భద్రకాళి మందిరం వరకు వేయి స్తంభాల గుడి, చార్మినార్, మక్కా మసీద్, మెదక్ చర్చి సెట్టింగులుగా వేసి భారీ వేడుకను నిర్వహించారు.
త్రిపుర చీఫ్ జస్టిస్ టి.అమర్ నాథ్ గౌడ్, ఇండియన్ హై కమీషనర్ బి.ఎన్. రెడ్డి , తెలంగాణ రాష్ట్ర ఐటీ శాఖమాత్యులు శ్రీధర్ బాబు, పీసీసీ ప్రెసిడెంట్ బొమ్మ మహేష్ కుమార్ గౌడ్, ఎమ్మెల్సీ గోరేటి వెంకన్న, శాసనసభ్యులు జగదీశ్వర్ రెడ్డి, మాజీ శాసనసభ్యులు గాదరి కిషోర్, ఉస్మానియా యూనివర్సిటీ వైస్ ఛాన్సలర్ కుమార్ మొలుగారం, అగ్రికల్చరల్ యూనివర్సిటీ వైస్ ఛాన్సలర్ అల్దాస్ జానయ్య, ఆకునూరి మురళి(రిటైర్డ్ ఐఏఎస్), తదితరులు పాల్గొని అసోసియేషన్ సభ్యులు చేస్తున్న పలు సేవా కార్యక్రమాలను కొనియాడారు.
బలగం చిత్ర కథానాయకి కావ్య కళ్యాణ్ రామ్ సృత్యాలు ఆకట్టుకున్నాయి. ప్రముఖ సినీ తార స్నేహ గుప్త-ఆట సందీప్ డాన్స్ స్టెప్పులు అలరించార్యి. మైటా ప్రెసిడెంట్ సైదం తిరుపతి, వైస్ ప్రెసిడెంట్ చిరుత చిట్టిబాబు , మహిళా ప్రెసిడెంట్ కిరణ్మయి, జనరల్ సెక్రటరీ సందీప్ గౌడ్ , జాయింట్ సెక్రటరీ సత్యనారాయణ రావు, ట్రేజరర్ సందీప్ కుమార్ లగిశెట్టి, జాయింట్ ట్రేజరర్ సుందర్ రెడ్డి, యూత్ ప్రెసిడెంట్ సంతోష్ దాసరాజు, యూత్ వైస్ ప్రసిడెంట్ శివ తేజ, ఎగ్జిక్యూటివ్ మెంబర్స్ మారుతి, హరి ప్రసాద్, రాములు, రమేష్, మహేష్, శ్రీహరి, జీవన్ రెడ్డి, వినోద్, రఘుపాల్ రెడ్డి, రంజిత్ రెడ్డి, జ్యోతి నాంపల్లి, సుప్రియ కంటే, మిథున్ శృతి, రాధిక, పూర్ణ లత, నరేందర్ రెడ్డి, అనిల్ రావు, వెంకట్, వినోద్, హరీష్, శశి గీత తదితరులు పాల్గొన్నారు.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
