మహారాష్ట్ర లోని ఔరంగాబాద్‌ను శంభాజీనగర్‌గా, ఉస్మానాబాద్‌ను ధరాశివ్‌గా మారుస్తున్నట్లుగా మహారాష్ట్ర ముఖ్యమంత్రి ఏక్‌నాథ్ షిండే, ఉపముఖ్యమంత్రి దేవేంద్ర ఫడ్నవీస్‌ ప్రకటించారు. నవీ ముంబై విమానాశ్రయానికి లోక్‌సభ మాజీ ఎంపీ డిబి పాటిల్ పేరు పెట్టనున్నట్లుగా తెలిపారు. అయితే ఈ నిర్ణయాన్ని గతంలోనే ఉద్ధవ్ థాక్రే ప్రభుత్వం తీసుకున్నప్పటికీ, అది చట్టవ్యతిరేకమని అందుకే తాజాగా ఈ నిర్ణయం తీసుకున్నట్లుగా తెలిపారు. కాగా జూన్ 29న తన చివరి క్యాబినెట్ సమావేశంలో మహా వికాస్ అఘాడి ప్రభుత్వం ఔరంగాబాద్‌ను శంభాజీనగర్‌గా మరియు ఉస్మానాబాద్‌ను ధరాశివ్‌గా మారుస్తూ నిర్ణయం తీసుకుంది.
