బోయపాటి శ్రీను తెరకెక్కించిన ‘అఖండ’ చిత్రంతో మరోసారి హిట్ ట్రాక్ ఎక్కడంతో పాటు కెరీర్‌లోనే బిగ్గెస్ట్ బ్లాక్ బస్టర్‌ను ఖాతాలో వేసుకున్నారు టాలీవుడ్ సీనియర్ స్టార్ హీరో నటసింహా నందమూరి బాలకృష్ణ. ఈ ఉత్సాహంతోనే ఆయన ఆ వెంటనే మాస్ డైరెక్టర్ గోపీచంద్ మలినేనితో కలిసి ‘వీర సింహా రెడ్డి’ అనే చిత్రంలో నటించారు. క్రేజీ కాంబినేషన్‌లో రూపొందిన ఈ చిత్రం సంక్రాంతి కానుకగా ప్రేక్షకుల ముందుకు వచ్చింది. పూర్తి స్థాయి మాస్ యాక్షన్ మూవీగా వచ్చిన ఈ సినిమాకు మిక్స్‌డ్ టాక్ వచ్చినా అత్యధిక కలెక్షన్లతో బాక్సాఫీస్ దుమ్ము దులిపింది.
నందమూరి బాలకృష్ణ – గోపీచంద్ మలినేని కాంబినేషన్‌లో రూపొందిన ‘వీర సింహా రెడ్డి’ మూవీకి ఊహించని రీతలో అత్యధిక కలెక్షన్లు దక్కాయి. ఇలా ఈ సినిమా ఫుల్ రన్‌లో ఆంధ్రప్రదేశ్, తెలంగాణలో రూ. 69 కోట్లుకు పైగా షేర్‌ను రాబట్టింది. అలాగే, ప్రపంచ వ్యాప్తంగా దాదాపు రూ. 80 కోట్లు షేర్‌తో పాటు రూ. 134 కోట్లు వరకూ గ్రాస్‌ను కలెక్ట్ చేసింది. అంతేకాదు, ఇప్పటికీ ఈ సినిమా విజయవంతంగానే ప్రదర్శితం అవుతోంది. ఇలాంటి పరిస్థితుల్లోనే దీన్ని డిస్నీ ప్లస్ హాట్‌స్టార్‌లో ఫిబ్రవరి 23, సాయంత్రం 6 గంటల నుంచి స్ట్రీమింగ్ చేస్తున్నట్లు అధికారికంగా వెల్లడించిన విషయం తెలిసిందే.
ఫుల్ లెంగ్త్ మాస్ ఎంటర్‌టైనర్‌గా రూపొందిన ‘వీర సింహా రెడ్డి’ మూవీని ఫిబ్రవరి 23 నుంచి డిస్నీ ప్లస్ హాట్‌స్టార్‌లో స్ట్రీమింగ్ చేయబోతున్నారు. అంతేకాదు, సెన్సార్ లేకుండానే ఈ చిత్రాన్ని స్ట్రీమింగ్ చేయబోతున్నారని అంటున్నారు. ఇలాంటి పరిస్థితుల్లో తాజాగా డిస్నీ ప్లస్ హాట్‌స్టార్ సంస్థ నందమూరి అభిమానులకు మరో గుడ్ న్యూస్ చెప్పింది. దీని ప్రకారం.. ఈ చిత్రాన్ని ఒక్క తెలుగులోనే కాకుండా తమిళం, మలయాళం, కన్నడం, హిందీ భాషల్లో కూడా స్ట్రీమింగ్ చేస్తున్నారట. దీంతో బాలయ్య అభిమానులు ఫుల్ ఖుషీ అవుతున్నారు.
నటసింహా నందమూరి బాలకృష్ణ – మాస్ డైరెక్టర్ గోపీచంద్ మలినేని కాంబోలో రూపొందిన మాస్ చిత్రమే ‘వీర సింహా రెడ్డి’. ఈ చిత్రంలో శృతి హాసన్, వరలక్ష్మీ శరత్ కుమార్, దునియా విజయ్, హనీ రోజ్ వంటి స్టార్లు కీలక పాత్రలు చేశారు. మైత్రీ మూవీ మేకర్స్ బ్యానర్‌పై యలమంచిలి రవి, నవీన్ యెర్నేని ఈ సినిమాను నిర్మించారు. ఈ మూవీకి ఎస్ థమన్ సంగీతాన్ని సమకూర్చాడు.
